Monday, 20 October 2014
CAO historico a wordo firma na Holliday Inn entre gerencia y sindicato FTA Print E-mail
Friday, 21 December 2012 00:45

fta1
Na Holliday Inn den un encuentro cu prensa a firma e CAO nobo. Ta un momento historico segun Patricia Peroni gerente di e hotel. Ta un acuerdo masha special. Nan ta orguyoso di firma esaki pa e empleadonan netamente awor cu e ta bayendo lagando algo asina bunita pa tur empleadonan. Rudy Geerman presidente di FTA a splica cu ta un placer di por tey pa firma e CAO aki.

FTA a haya confianza di e trahadornan pa por negocia den nan nomber. Ora fiha un meta y pensa riba e futuro di nan trabao y compania ta importante pa logra un CAO asina. Hopi biaha hende muher ta tuma decision grandi y den e caso aki ta cuater muher a tuma e decision pa awe por a firma. Cu e CAO aki e trahadornan lo haya mas tempo pa descanso y tempo pa nan famia. Entrante 7 di January den e quincena nobo ta introduci cinco dia di trabao na Holliday Inn y no seis dia manera ta actualmente. Tur esaki manteniendo e salario di seis dia. Prome biaha den e sector Horeca algo asina ta tuma lugar. Esaki ta e prome piedra pa otro hotelnan tambe tuma e ehempel. E ta mihor te hasta mihor cu e ley cu gobierno por introduce riba e leynan laboral. Ta hopi lucha y sacrificio tabata tin ora a bai na ocho ora di trabao hopi anja pasa. Awor ainda tin algun compania cu no ta respeta e orario di trabao. Den e area di house keeping tambe tin cierto mehoracion si nan mester haci extra camber limpi. E aumento ta repati den 4%, 3.5% y 4% den e proceso di tres anja di e duracion di CAO. A puntra e presidente di FTA pa splica con e hotel lo deal kitando un dia di trabao for di cada trahador pero pagando e mesun salario? E tempo pa famia ta importante y tempo di descanso tambe ta hopi importante. Si bo a sosega bon y tin tempo pa bo famia dimes bo ta bin traha y produci manera mester ta na trabao. E compania ta produci den su propiedad. Inverti den infrastructura ta bon pero inverti den e ser humano tambe ta importante y Holliday Inn a haci esey. Cu e CAO aki nifica cu e prome piedra cu a wordo poni. Pa historia Holliday Inn ta e prome hotel cu ta marca e historia aki. Si na momento mira cu un hotel por haci loke Holliday Inn ta haci, por confirma di awor aki cu e ta posibel. Hopi hotel ta gusta inverti den nan infrastructura lubidando riba nan personal.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter