Monday, 24 November 2014
Mr. Aruba Hispanoamerica 2012 ta desea Aruba un feliz temporada di fiesta Print E-mail
Friday, 21 December 2012 15:20
Comparti
DSC_2063
Nos Mr. Aruba Hispanoamerica 2012, e hoben studiante di IPA Sergio Winterdal kier a probecha y manda su deseonan di felicidad pa Aruba completo den e temporada di fiesta cu nos ta aden.

Tanto Pasco y Anja Nobo ta momentonan pa nos tur reflecciona riba tur loke a bai bon y tambe malo, pa asina nos por mehora pa futuro. Ta momento pa perdona y brinda hopi amor pa tur nos sernan keri. Si durante anja bo no a hanja oportunidad pa demostra esaki, probecha awo y bishita tur famia y sernan keri y deseanan e mihor pa e siguiente anja.  Nos Mr. Aruba Hispanoamerica 2012 ya caba ta den su preparacion pa asina representa Aruba otro anja na e certamen masculino cu lo tuma lugar na Sto. Domingo den e luna di Augustus 2013. Mester gradici Healthy Living Club pa e preparacion fisico, Jason Margarita pa su potretnan oficial, Dentista Mirto Lacle pa e sonrisa radiante, Maggys pa e cuido di piel y tambe SeNd Productionz pa e oportunidad pa representa Aruba internacionalmente. Aruba tin hopi anja sin manda un representante masculino na un certamen masculino y pesei mes e sosten pa Sergio ta hopi importante y esencial.  "Corda cu anja 2013 ta brinda nos tur cu hopi oportunidad, probecha di nan y duna semper e mihor di bo parti, den ki ramo cu por ta. Nos tur tin un talento, haci mihor uso di dje na beneficio di nos mes y Aruba en general! Bon Pasco y Felis Anja Nobo Aruba!", ta palabranan cu nos Mr. Aruba Hispanoamerica ta termina bisando.

 

 

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter