Friday, 31 October 2014
Dr Jaime Falconi: Hospital mes no tin placa pa indexering, e mester bay door di AZV Print E-mail
Friday, 21 December 2012 18:24

Jaime Falconi

Durante un entrevista cu director di Dr. Horacio Oduber Hospital, dr. Jaime Falconi, a mustre cu tin indexering pa empleadonan publico di 85 florin y ta algo cu a tuma lugar den dialogo social. Den e ultimo CAO firma na Hospital ta poni cu cualkier indexering pa empleado publico mester conta tambe pa e trahadornan di hospital. Dr. Falconi tambe a haya sa cu diahuebs laat anochi gobierno y sindicatonan a yega na un acuerdo pa indexering y hospital mester wordo informa kico esey ta nifica pasobra e ora ey mester tuma contacto cu AZV pa motibo cu e contrato ta bisa cu si tin indexering e prome anjanan lo ser cubri pa AZV via gobierno. Director dr. Falconi a splica cu gobierno mes no tin placa, su situacion financiero ta precario y nan ta purba di tur manera posible pa duna un bon servicio aunke placa ta scars pa nan. No kiermen cu e situacion ta asina malo manera e caso na Hulanda caminda un hospital no por a paga su empleadonan mas cu mitar salario y esey tin na otro hospitalnan na Hulanda tambe. Nos hospital tin bon contacto cu AZV, Hunta di Comisario y gobierno parcialmente cu nan por discuti riba asunto di indexering. El a bisa cu hospital ta tene su gastonan no prioritario hopi abao y esey ta dunando resultadonan caba, y cu e limitacion cu nan tin, tin cu busca mas enfermero y mas medico specializa si nan kier sigui duna e calidad di servicio cu nos pueblo ta exigi di nan.

Comentarionan (3)Add Comment
PALJUCO DIRKSZ
December 22, 2012
201.229.25.60
Votes: +1
...

Ami a wak con duro e enfermeronan ta traha. No ta tur bes e cuido ta bon pa tur tur hende y mi ta compronde cu nan tin hopi trabou. E enfermeronan ta traha mane cu rolschaats na pia anto wanta abuso verbal di e specialistanan, cu ta cana trata nan manera cacho y tambe hopi biaha famia di patientnan mal educa ta para insulta y papia malo dje enfermeronan. Cuminsa paga e hendenan aki mihor y busca menos manager, pesey no tin placa pa esnan cu ta labora mas duro den hospital.

Aw
December 21, 2012
201.229.75.82
Votes: +2
...

di con no tin nada pa e trahado nan cu ta traha cu alma i cuerpo i salario nan top pa specialistanan ,cambernan di hospital constant yen, un pension miserabel pa trahadonan cu a labora mas di 40 anja. splica pueblo di con no ta tin mehoracion pa trahado, ta esun na top di e piramide so tin di biba? e mentalidad aki e mester por cambia un dia.

rod
December 21, 2012
201.229.42.222
Votes: +1
...

E huega aki tabata conoci na momento cu e
Falconi aki a cuminza priminti cielo y tera
pa e trahadornan di Hospital. Awor e inepto aki a
dicidi di pasa e cuenta pa e bisinja....E mas pret
ta cu e Director di Hospital no ta dirihi e hospital
pero e ta dedica su mes hasi oposicion politico....E
mester baha na awa y bai di biaha den partido di su swa Booshi Wever!!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter