Saturday, 25 October 2014
Premier Eman orguyoso di trabou di expertonan local riba spiraal rotonde Print E-mail
Friday, 21 December 2012 18:44

Mike Rotonde

E lista di personanan cu mester gradici pa realisacion di e spiraal rotonde ta sumamente largo, pero mas cu tur cos e mandatario a destaca e experticio di nos propio hendenan, den e caso aki di ing. Marlon Croes y su ekipo. Esaki na momento cu a tuma lugar apertura di e spiraal rotonde, situa dilanti aeropuerto di Aruba. Ing. Croes, Prome Minister Eman a splica na apertura di e rotonde, tabata encarga cu e diseño, cual tabata uno basta complica, den e sentido pa hinca tur e fluho di trafico hunto. E prome mandatario a yama e rotonde un super turbo rotonde, di cual el a bisa cu e ta sinti su mes masha orguyoso con el a keda. “Loke pa nos ta un motibo di hopi orguyo ta cu na momento cu a manda e diseño pa Rijkswaterstaat, un instancia na Hulanda cu ta haci diseñonan hopi grandi pa infrastructuranan hopi complica pa Hulanda y Europa, nan a duna hopi palabra di reconocemento pa e diseño aki. Esey pa nos ta motibo di orguyo,” Eman a duna di conoce. Na mesun momento e mandatario a expresa cu e proyecto tin un nificacion special pa Gobierno, ya cu e ta un punto central cu ta wordo mehora cu e infrastructura pa loke ta fluho di trafico. Pero tambe e ta e punto di conexion di dos otro proyecto importante cu Gobierno ta desaroyando, esta e conexion pa e vierbaansweg pa e green corridor cu San Nicolas y e ringweg cu ta bay pasa completamente rond di Oranjestad pa yega e area di hotelnan. “E ta dos conexion cu ta bay hiba infrastructura di nos pais na un otro nivel y nos Gobierno ta hopi contento di ta liderando e proyectonan aki,” Premier Eman a bisa. Na final e mandatario a bisa cu tur stakeholder a coopera pa haci un diferencia grandi cu awe e proyecto aki por a bira realidad. “Esaki ta un otro proyecto cu ta hiba Aruba na un otro nivel. Tur e proyectonan cu nos ta desaroyando den centro di ciudad, den barionan, e infrastructura, e cambio di apariencia di pais Aruba, ta proyectonan cu ta wordo realisa cu un meta, pa mehora calidad di bida di nos ciudadanonan. Y nos ta contento cu tur dia nos ta haci progreso riba tur e terenonan aki.”

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter