Friday, 28 November 2014
Gobierno: Acuerdo di indexering a keda firma Print E-mail
Friday, 21 December 2012 19:53
Comparti

front1-IMG 1549

Diabierna den oranan di merdia, Prome Minister Mike Eman, rondona pa sindicatonan cu representacion den sector publico, a expresa su satisfacción cu a logra yega na un acuerdo na mesa riba asunto di Indexering. Prome Minister Eman tabatin masha palabra di elogio pa e sindicatonan cu denter di e margen di loke tabatin disponibel, a saca lo maximo pa e empleadonan.

Di otro banda el a expresa cu pa Gobierno ta importante cu e por a cumpli cu su responsabilidad pa cu su empleadonan, manera ta pidi di doñonan di trabou den otro sectornan. Gobierno a mira un aumento grandi den costo di bida, mientras cu en general e salario na Aruba no a conoce e adaptacionnan necesario. Pesey Gabinete Mike Eman a haci un esfuerzo grandi, for di momento cu a drenta gobernacion, pa yega na mehora y repara e poder di compra mas tanto posibel, tanto den sector publico como priva. Pa e empleadonan publico, esaki ta di tres aña cu ta firma un acuerdo cu nan ta haya algo. E acuerdo ta encera cu entrante 1 di januari 2013, ta inclui 85 florin den salario di empleadonan publico como compensacion pa e perdida di poder di compra riba e periodo di 1 di september 2011 te cu 31 di augustus 2012. Como compensacion pa e resto di perdida di poder di compra di añanan 2002 te cu 2007 ta wordo hinca den e bashi-premie un suma extra di 150 florin. Pues e suma aki ta bira 1500 florin cu ta wordo paga dia 10 di januari 2013. Pa compensa e resto di perdida di poder di compra, di e mesun periodo, lo wordo aumenta tambe e gelijkbedrag cu ta wordo paga na november, cu tambe lo bira 1500 florin. E resto di placa cu e ambtenaarnan mester haya pa e perdida di poder di compra den e periodo di 2002 – 2007, teniendo cuenta cu e situacion financiero di país Aruba, lo wordo paga entrante prome di januari, 2014 durante cuater aña, por medio di aumento den e suma di bashi-premie y gelijkbedrag, of por medio di un reparatiepremie, cu minimalmente 1.9% lo wordo paga, fuera di e salario. Na final di e ceremonia, a wordo anuncia tambe cu ta bay instala un comision cu ta cuminsa traha na luna di januari, buscando e miho formula pa atende cu e asunto di Indexering y perdida di poder di compra.

gallery1 gallery1 gallery1

Comentarionan (8)Add Comment
Respect
December 22, 2012
201.229.71.118
Votes: +4
...

Pabien berdad. Pero ban spera ku e pabien aki no tarda 2 siman so. Pasobra....ban spera ku ora anja habri e medidanan ku e gobierno aki mester bini kune no ta bai desfrauda hopi di e alegria aki. Ken por bisami kon e gobierno aki ta bai of kon bo ta kere ku debenan astonomiconan aki ta wordo paga. Tram no ta genera ganashi den kaha di gobierno en nu wat...........dus medida riba ken pa page bek? ajo indexering e no tawata bale la pena!!

te
December 22, 2012
201.229.2.6
Votes: +2
...

Nel Oduber a ofrece na 2008 un pakete mucho mas mihor cu e limosna aki, toch a subi caya pa finnan politico, awe e ambtenaarnan a keda man bashi atrobe.Ta danki na SPA, STA y Topa cu a lucha pa algo, si ta e otro sindicatonan nan lo a tuma e 0/0 porciento den teblachi.

1111
December 22, 2012
201.229.51.133
Votes: +0
...

Dia Aruba ta completamente bankrupt, dus noun banco of pais no ta fia Aruba placa mas e ora e beneficiarionan ta compronde cu loke nan a hack no tawata Bon. Gobierno sa cu e no ta haciendo Bon pero no kier bay contra e sindicatonan sin estudio ey.
Persona nan cu ta jam a nan mes sindicato, tin biaha bo ta puntra bo mes ta ki estudionan tin? Tin di nan ta un A- stroom diploma di John f Kennedy lag ere technische school nan tin.
E tipo di henequen akin an ta pone gobierno bow presion pro me cu pasco si no nan lo haci desorden y trece intranquilidad y gobierno pa complace y evita problem prom cu pasco ta bay deacuerdo pa firm a.

Increible

Zombie
December 22, 2012
201.229.80.12
Votes: +1
...

Besoril ta un tiki rabia, pasobra e tabata kier a sinta pega cu Minpres.

what goes around..
December 22, 2012
201.229.51.59
Votes: +3
...

Finaly...smilies/smiley.gif

Bisaberdad
December 21, 2012
201.229.74.68
Votes: +0
...

Pabien sindicatonan y pabien Gobierno!
Esey ta worry cu pueblo y empleadonan!
No manera otronan!

Mojendi
December 21, 2012
31.151.210.190
Votes: +3
...

Esaki ta haci mi corda tempo di e Nel, e ta malo el a papia cu e sindicatonan. Recordar es vivir.

Francisco Webb
December 21, 2012
201.229.78.192
Votes: +2
...

Esaki ta e mesun grupo di anja pasa ariba e PROTOCOL INDEXERING 2011. Lo mismito del anjo pasado smilies/cheesy.gif CHE!!!!!!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter