Tuesday, 29 July 2014
Otro aña “De Trupialen" ta cuminsa un era nobo Print E-mail
Sunday, 23 December 2012 09:38

trupialen
Dialuna dia 14 di Januari 2013, 1 dia despues di cumpli 60 aña di existencia, trabaownan di construccion lo cuminsa na e clubhuis di “De Trupialen”. Esaki lo ta algo historico, mirando cu e intencion ta pa drecha e “Clubgebouw” pa otro 60 aña mas pa asina nos futuro generacion por use optimalmente. Porta nobo, bentana nobo, dak nobo, bañonan nobo, instalacion di coriente nobo, airco nobo, etc etc.

Ta pa e motibo aki Trupialen lo despedi di nan “Clubgebouw bieuw, DIADOMINGO dia 13 di Januari 2013 y na e mes momento duna un tributo na Frere Alexius, fundador di De Trupialen, pa medio di canto y musica y alavez deleita tur esnan presente, ariba e tereno dilanti di nan clubgebouw. Esaki lo tuma luga despues di un sacrificio di misa canta pa e coro grandi di De Trupialen na misa San Francisco na Playa . E sacrificio di misa lo ta diadomingo dia 13 di Januari 2013. E ora di misa nos lo anuncie despues. Directiva di De Trupialen pa medio di esaki kier a haci un yamada na tur su miembronan, activo y no-activo pa asisti na un reunion Diabierna 28 di December 2012 pa 7.30 p.m. na Club di De Trupialen. Aki tur presente lo wordo poni na altura di e programa pa cu e celebracion di 60 aña di “De Trupialen” Pa cualkier informacion por yama Nico Luydens na 5823076, of 5622564.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter