Sunday, 23 November 2014
mr. Juan Ady Thijsen: Minister di Labor a bisa cu representantenan di WAB no ta papia berdad Print E-mail
Sunday, 23 December 2012 10:18
Comparti

Ady Juan E Thijsen004
Durante tratamento di leynan laboral Ministro di Labor a baha masha baho mes riba representantenan di WAB, cu ta e asociacion di companianan di construcion. Parlamentario mr. Juan Ady Thijsen durante su discurso den prome tanda e mustra riba e hecho cu gobierno ta haci comosifuera tur gremionan ta di acuerdo cu e leynan proponi, mientras esaki no ta corecto.

Parlamentario mr. Juan Ady Thijsen a menciona por ehemplo WAB, cu ta e asociacion di companianan di construcion. Durante un reunion cu e commision fiho di parlamento pa asuntonan financiero y economico WAB a indica cu Ministro Oduber no a papia cu WAB y pesey WAB a haci un apelacion grandi pa wanta e ley di uitzendbureau pa 6 luna pa studia e ley mihor pasobra e ley aki tin consequencianan negativo pa nan sector di construccion. Según WAB ta kere cu leynan laboral mester ta bon regla, nan mes ta traha cu CAO pero e mundo di construcion lo enfrenta problema cu e ley si e worde introduci manera cu e ta.. Akinan Ministro di Labor a bira masha onsportief y a declara cu representantenan di WAB no ta papia e berdad. Atrobe e Ministro di Labor Otmar Oduber ta danja e nivel di e reunion dor di su arogancia y mentiranan. Tabata un berguenza pa scucha un ministro di nos pais ta rebaha un gremio respeta den nos comunidad. Parlamentario mr. Juan Ady Thijsen ta spera cu presidente di Parlamento drs. Paul Croes tuma medida pa esaki no bolbe sucede.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter