Friday, 01 August 2014
Famia Jong di Sero Pita ta di luto inespera cu morto repentino di Raymond Jong Print E-mail
Sunday, 23 December 2012 14:07

hospital 2

Famianan Jong di Sero Pita ta di luto. E morto aki sigur nan no a spera. Mas bien tabata prepara pa ricibi nan ser keri bek na cas dia 24 di December pa asina den union familiar celebra e dianan di pasco. Destino a dicidi otro. Raymond Jong di 80 aña ta tata di Kenneth Jong ex parlamentario. Diabierna el a drenta hospital pa saca awa for di pulmon. Algo cu no ta un cos grandi cu por coste su bida. Awendia hospital tin ekipo specializa cu ta moderno y ta saca awa di pulmon na un manera hopi mas safe pa bida di hende. E famia diasabra tabata cerca nan ser keri na hospital durante e bishita di 11or pa 1or di merdia. Nan a bandona hospital y pa 2or ya caba a yamanan bek notificando cu Raymond Jong cu ta interna a fayece. E tabata den man di Cardiologo Sandro Fingal. E cardiologo aki ta cu vacanci y su colega Johnny Cheng cu tambe ta cardiologo a tuma e pashentnan over. E dia prome e zuster na hospital mes a pidi e famia pa trece tur medicamento cu e schedule cu e pashent mester bebe su pildonan. Algo cu a sosode y hospital tabata na altura di henter e proceso aki. Asina mes algo a bai robez. Ora di duna e medicamento a pone tur cos den un solo cup y duna e pashent Raymond Jong. Pa colmo un di e pildonan Diovan tabata di 80mg mientras cu esun cu e sa bebe ta di 40mg. Ora cu e famia tabata di bishita diasabra un rato prome cu e fayecimento awa tabata yobe y Raymond Jong tabata disfrutando cu su famia e momentonan special ey. Ainda e momento ey e medicamento su efecto no tabata tey. Si Raymond Jong a bisa su famia cu e ta sinti manera un marga den boca. Su salud a cuminsa bai atras pero no tabata asina notable ora di bishita. El a empeora y a haya un paro cardiaco den careda di 2or di merdia. A yama e famia notificanan mesora. Nan a tuma contacto cu Dr Cheng cu no por a duna un splicacion hustifica riba loke a sosode. Mas bien e yiu homber Kenneth Jong a bai busca henter e dossier di su tata y aki ta confirma cu e medicamento no a wordo duna manera schedule ta bisa. E pashent tabata tin su oranan precisamente marca con e pildonan mester a wordo tuma. Esaki no a bai corecto y famia ta sinti claramente cu esaki por ta motibo cu nan ser keri no tey awe mas cu nan. E medicamentonan eroneamente duna ta algo cu por a causa morto si e ser keri di famia Jong. Despues di loke a sosode tabata evaluando pa un autopsia pero finalmente famia a dicidi cu ta mihor evita e dolor mas fuerte wardando e dianan di fiesta cu nan ser keri morto. A cambia di idea y famia a dicidi cu dialuna mes lo dera. Pa 12:30 di merdia nan lo ta na funeraria Aurora y despues 2or pa 4or nan lo ta na Misa di Sta Cruz. Eynan lo hiba Raymond Jong pa su ultimo lugar di sosiego. Paz na su restonan y hopi forza na e famia.

Comentarionan (14)Add Comment
Arubiano Realistico
December 24, 2012
201.229.44.60
Votes: +3
...

Increibel, nos ta cla pa usga menara ta dokter nos ta.
Si e famia ta kere cu un fout a wordo haci, nan ti di atende cu hospital pa laga haci un onderzoek. Nos mester stop di husga ariba cosnan cu nos sa y no ta compronde. Paz na e defunto y forza pa e famia.

ik zie
December 24, 2012
201.229.83.163
Votes: +10
...

nonsens allemaal ,de normale dosis is 80 mg ,er zijn ook tabl van 160 mg ,iemand die een keertje een tabl van 80 mg diovan krijgt ipv 40 mg ,gaat er echt niet dood van ,anders moet hij een dusdanige lagebloedruk hebben gehad dat hij niet meer te redden was,dus klopt ook niet ,en met wat voor equip wordt er water uit de longen weg gehaald?????of wordt hiermme bedoeld intravenus medicatie (duireticum)???.komt allemaal ongeloofwaardig over ,ik denk dat het gewoon een kwestie is om de verpleegkundigen schuld willen geven ,trist hoor??aan de fam mijn condeleances

El Zorro
December 24, 2012
201.229.46.225
Votes: -1
...

Mientras cu e dokternan cu ta comete pifia no wordu persigui hudicialmente e cosnan aki ta sigui pasa. Nan ta djies traha un rapport cu e patient a jega hopi malo y tur cos ta bai den doofpot.
Condolencia na famianan di e fayecido

V.Tromp
December 24, 2012
77.248.71.26
Votes: -1
...

Irona si e werkklimaat ta asina malo pa e verpleegkundigen nan pakiko nan no ta protesta ariba e thema aki.Cu bla bla bla aki riba bo no ta logra nada dus kiko a resta ACTIE lo mi bisa.

olga tromp
December 24, 2012
201.229.36.138
Votes: +3
...

Si boso kier sa e berdad laga haci un autopsia,stop di c*lpa hende sin fondo,si bo bisa a bisa b tambe.of di ripiente tur hende a studia pa dokter Cu e pober sosega na paz

Ironia di bida
December 23, 2012
201.229.6.115
Votes: +5
...

Hopi ta esnan cu ta keha cu cos ta malo y cu por mihor. Wel bai EPI y hasi e estudio pa bira enfermero y bin yuda pasobra falta hende pa traha eyden. Tin fout ta wordo cometi tur caminda, pero wak dicon foutnan ta wordo cometi y djey bin critica. Ami a wak con e enfermeronan ta traha eyden y hopi ta duna calidad. Mi ta wak tambe cu falta di personal tin hopi eyden cansa y ey mes e chens pa hasi eror ta subi drasticamente. So stop di sinta critica y wak kiko por hasi. Vooral e director tin cu bai hasi algo enbes di sinta papia bunita y pone managernan incapas fungi como manager enbes di busca mas enfermero.

sp
December 23, 2012
201.229.91.57
Votes: -4
...

Ter info cua Dr bo ta??? Google Dr??? just asking. i na famia condolencia

Opinion den Balansa
December 23, 2012
201.229.54.40
Votes: +8
...

macarony. Esaki tabata un caso cu meneer di 80. BTW, ta na CUA PLANETA bo tabata biba e ultimo anjanan aki caminda cu diferente hende di diferente edad a fayece pa motibo di NEGLIGENCIA MEDICO of ERRORNAN FATA. Hende NO ta computer cu ta just wordo upgraded, gefixed despues di malfunction. HENDE TA ONE ERROR AND YOU'RE OUT.
Despensami, pero mester trata HENDE cu AMOR, ATENCION Y VOORAL CU PROFESIONALISMO OPTIMAL, no solamente e dokter pero tambe tur verpleegkundige. Bida di hende ta importante pe y pa su famia. P'esey mes mi ta compronde e d**or inmenso cu tin na e momento aki. CONDOLENCIA NA E FAMIA. Hopi forsa. Y ARUBA, ban lucha pa un HOSPITAL DI CALIDAD.

verpleegster a sapatia
December 23, 2012
201.229.30.161
Votes: +2
...

Hopi suerte mr. Jong tin cu e por a haya e file di su tata pa wak, pasobra aki ta un secreto hoooopi grandi e filenan ey ta.
1. Si e pashent wordo permiti di tin un famia na su banda, e chens di un fout ta menos? 2. Mester bin porta cu un miho protocol ora di duna remedi?
Nos a yega tin un enfermera cu a insisti di colga un saco cu antibiotica den infuus DESPUES cu e INTERNISTA SPECIALISTA a cancela esaki. "E ta traha caba," su contesta tabata despues cu mi a bis'e (fada cu e no ta scucha ni di mi y tampoco di e pashent) pa e bay check cu docter. Well, mi a bis'e cu e ni tribi di conect'e na mi ser keri su infuus pasobra ami si ta keh'e. Loke a pasa despues tabata un hilaridad, pasobra el a para y SAPATIA su papianan manera un mucha chikito. Pero nos NO a lag'e haya su kier.

V.Tromp
December 23, 2012
77.248.71.26
Votes: +7
...

E famia aki tin tur nan derecho pa critica i busca nan derecho.
I macarony maske cu meneer aki tin 80 anja toch mester trate manera tur patient.
Cu mi mama tambe a pasa algo asina aki cu te awe mi ta pensando dicon cos por a bai fout asina aki.
Mi tabata cu vakantie na Aruba, pasa dos siman masha feliz cu mi mama,diripiente e a bira malo i cu e mester a keda hospitaal.
Promer cu ma bula bek pa hulanda ma bai despedi di dje ainda e tabata papia mi pa mi no bai cu tristeza.
Ma jega hulanda dos dia despues nan ta bel cu mi mama a bira hopi malo mes despues cu nan a dune un spuit,despues di un paar di ora mi mama bin fajece.
Te awe mi ta bisa cu nan a dune un spuit robez esei ta mi conclusie.
Pero ja ki haci bo no tin bewijs esei ta mi verhaal over di Hospitaal ei na Aruba.

tristo
December 23, 2012
201.229.66.144
Votes: +3
...

den e hospital ki ta tur sorto di bagabunderia ta wordo cometi!hopi tristo loke a pasa nan no mester a laga e cos ki asina nan mester a kana nan caminda! forsa ne famia nan y amigo nan

... Low-rated comment [Show]
Ter Info
December 23, 2012
201.229.52.3
Votes: +22
...

Diovan wordt in max 2 uur opgenomen in het bloed. De halfwaardet tijd is 6 uur. Dat betekent dat als men 80mg ipv 40mg gebruikt de concentratie in het bloed na 6 uur gelijk is aan dat van de 40mg. Een overdosis zou een ernstige bloeddrukdaling tot gevolg moeten hebben gehad. Volgens dit artikel is op vrijdag 80mg gegeven. Op zaterdag, lang nadat de 80mg was ingenomen, verslechterde de situatie. Onderzoek kan uitwijzen wat de daadwerkelijke reden was van de hartstilstand.
Voor alle betrokkenen veel sterkte.

arubiana
December 23, 2012
201.229.37.219
Votes: +12
...

Tristo kon e error nan aki ta keda ripiti asina mi mama tambe a fallece fout den medicamento. condolencia na henter famia Jong.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter