Tuesday, 21 October 2014
Coca Cola Green Dreams ta clausura cu un fabuloso Dia di Famia na Renaissance Marketplace Print E-mail
Sunday, 23 December 2012 18:00

front

Diabierna atardi na Garage Cordia emocionnan tabata crece cada rato un poco mas pa e momento di e sorteo pa haya sa ken lo ta e 17 otro participantenan na e final di Coca Cola Green Dreams. Un fabuloso Toyota Prius C ta den wega y ken no kier gana un auto cu ta bunita y ademas ta yuda spaar gasolin? Un tremendo regalo pa fin di aña.

Ya e tres finalistanan, Angie Jsaza, Amira van de Biezen y Randolph Paskel, kende a haya e logo di Toyota bao di nan tapa berde di Coca Cola of Sprite ta ful prepara pa e ultimo parti di e campaña, cual ta tuma luga otro siman, dia 29 di december.Den preparacion pa e sorteo na Garage Cordia, un meneer mas a presenta tambe cu un tapa berde cu e logo di Toyota bao di dje. Coordinador di Mercadeo pa Coca Cola, Vanessa Hollander a splica cu ainda tin algun tapa cu e logo di Toyota bao dje ariba mercado. Naturalmente e meneer aki y tur otro persona cu presenta na The Tropical Bottling Company of Garage Cordia cu un tapa berde cu e logo di Toyota ta participa na e evento final tambe, Sra. Hollander a subraya.E evento final na e momentonan aki pues conoce 21 finalista y no ta descarta cu mas hende lo haya un tapa berde cu e logo di Toyota e dianan aki, pero esaki mester ta prome cu e sorteo final ariba diasabra, 29 di december.Coca Cola Green Dreams ta un campaña di 14 siman, pa cual The Tropical Bottling Company a pone un serie special di boter di refresco cu tapa color berde ariba mercado. Bao di masha hopi di e tapanan tabatin premionan great, grandi y chikito, cual a wordo ofreci pa medio di un partnership cu 12 otro compania local.Como cu na final solamente 4 di e 20 tapanan berde cu e logo di Toyota a wordo entrega bek na Coca Cola Green Dreams, a tuma e decision pa ofrece un ticket pa un sorteo special pa haya e otro 17 finalistanan. Pa cada 24 tapa berde di e campaña cu a wordo entrega na The Tropical Bottling Company a duna un ticket pa e rifa di dia 21 di december. Un cantidad grandi di fan di Coca Cola y Sprite a entrega nan tapanan berde y diabierna a saca for di e tombola e nombernan di 17 persona, kende a wordo invita pa participa na e evento final di Coca Cola Green Dreams, hunto cu e cuater finalistanan cu ta conoci caba.E 17 finalistanan ta: Francis Donato, Gilbert Wernet, Norma Iris Luidens, Suitbertha Oduber, Roche Samingoen, Mayron Kock, Rollienne Anette Gomez, Sonia Visser, Iraida Marcelva Tromp, Michael Paul Kelly, Jane Willems, Joselito Kock, Gristina Croes, Claudia J. Ocampo, Miriam Koolman, Jermain Gomez y Aloysius Rigoberto Geerman.Biba e emocion di e evento final hunto cu e participantenan, ariba diasabra dia 29 di december, unda cu e ganado di e Toyota Prius C lo bira conoci. E finalistanan mester ta presente na e evento aki. Henter comunidad ta invita pa disfruta di e Coca Cola Plaza cu lo wordo crea na Renaissance Marketplace pa un tremendo Dia di Famia, cual ta inclui un Kid's Corner dibertido y musica en bibo. E dia ta clausura cu e anuncio di e ganado di e Toyota Prius C y animacion di Upgrade Music. Pa medio di e campaña Coca Cola Green Dreams y e Dia di Famia na Renaissance Marketplace, Coca Cola y The Tropical Bottling Company kier gradici pueblo di Aruba pa e tremendo apoyo cu Coca Cola a ricibi durante henter aña 2012. Suerte na tur finalista!

gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter