Sunday, 21 December 2014
Minister Richard Visser: Proyecto di Oncologia pa IMSAN ta importante pa bienestar di nos pashentnan Print E-mail
Sunday, 23 December 2012 21:00
Comparti

front

No mucho tempo pasa, Minister di Salubridad Publico y Deporte, dr. Richard Visser a anuncia cu tin diferente desaroyo hopi importante den mundo di medicina na Aruba cu lo bay tuma luga den e aña nos dilanti.

Un di e proyectonan cu lo tin un impacto hopi grandi na nos isla y particularmente ariba e bienestar di pashentnan di cancer ta e expansion di servicionan y facilidadnan di IMSAN pa inclui un centro pa kimoterapia y radioterapia, cual ta conoci den boca di pueblo como "chemo" y "bestraling". E centro di oncologia ta un adicion bon pa IMSAN, unda cu tin e espacio pa construi e bunker necesario pa e aparato di radioterapia, o sea un "linear accelerator" y asina sigui desaroya IMSAN como un centro di cuido specialisa. Director di IMSAN (Instituto Medico San Nicolas), dr. Joel Rajnherc a splica cu ta beneficioso pa nos comunidad pa institui un centro di oncologia mas completo na Aruba. Cancer ta e causa number uno di morto mundialmente y Aruba tambe ta sinti su efectonan. IMSAN ya caba ta dunando servicio na pashentnan cu malesanan cronico relaciona cu diabetes, manera trato di herida (wondenpolie), clinica pa wowo, carrousel diabetico y proximamente tambe lo cuminsa ofrece dialisis. “Cu introduccion di un seccion di radioterapia na Aruba, nos ta permiti pa nos pashentnan haya e tratamento aki na cas mes y e ta un servicio aworaki cu tin prioridad pa dun’e localmente. Dunando radioterapia na Aruba mes, nos ta contribui na e mehoracion di e calidad di bida di nos hendenan, dr. Rajnherc a splica. Minister Visser ta considera hustamente esaki, e calidad di bida di e pashent durante su tratamento, como un di e factornan mas importante den e decision pa adkiri un linear accelerator y expande servicionan di oncologia na Aruba. Ta hopi importante pa e pashent ta cerca di su famia y sernan keri den un tempo di tratamento dificil y largo y cu introduccion di e tratamento di radioterapia na Aruba mes, e pashent por keda den su mesun ambiente, cu famia y su sernan keri. E team local di specialista den oncologia ta envolvi den tur paso di e desaroyo aki y ta apoya e vision aki completamente. "E trabou conhunto cu Baptist Health South Florida y nos specialistanan local di oncologia lo complementa otro,” segun e mandatario. Nos specialistanan local ta bira e weso di lomba di e proyecto aki, nan ta esunnan cu ta bay ehecut'e, Minister Visser a subraya. Entre e procesonan importante cu lo tuma luga hunto cu Baptist Health South Florida preparando pa e establecimento di e clinica, ta e upgrading y training extra di nos enfermeronan pa por traha den e departamento di radioterapia y otro departamentonan relaciona cu diferente specialisacion oncologico. Radioterapia por forma parti di e inicio di un tratamento of tambe por ta un servicio despues di cirugia. Mayoria biaha e cirugia pa un doctor specialisa ta tuma luga na Aruba mes y esaki lo sigui asina tambe. Minister Visser a splica cu tur cirugia lo sigui tuma luga na dr. Horacio Oduber Hospital, unda cu tin departamentonan specialisa di Cuido Intensivo, Medium Care y cuido pre y post-cirurgia. Trabao di research localmente, como tambe hunto cu expertonan internacional a mustra cu ta hustifica pa Aruba adkiri un linear accelerator. Dr. Visser a splica cu a consulta cu hopi hende y instancia, entre otro AZV, Baptist Health South Florida, dr. Horacio Oduber Hospital, e board di IMSAN, e oncologo internacionalmente reconoci dr. Pinedo di Corsou kende ta trahando na institutonan prestigioso na Hulanda y Merca, SOGA y e team di Oncologia di Aruba. E linear accelerator cu lo wordo adkiri pa IMSAN lo ta un di esunnan mas tecnologicamente avansa ariba mercado, Minister Visser a expresa. Un pais of region cu tin mas di 105 mil habitante ta wordo considera financieramente capaz pa carga e uzo di un linear accelerator, dr. Visser a splica. Aruba su populacion ta mas grandi cu 105 mil persona, ta wordo calcula cu otro aña lo tin mas di 200 pashent cu lo mester haya tratamento cu radioterapia. Esaki ta un desaroyo hopi positivo pa e mundo di medicina na Aruba y ta un tremendo noticia pa nos pashentnan local, como tambe nan famianan, unda cu nan por keda na cas mes y ricibi tur tratamento necesario pa combati e malesa di cancer.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter