Monday, 01 September 2014
Richard Visser: IMSan ta bira e centro pa tratamento specialisa di diabetes y cancer na Aruba Print E-mail
Monday, 07 January 2013 21:25

front

Instituto Medico San Nicolas (IMSan) ademas di expande su servicionan pa pashentnan cu ta biba cu e malesa cronico diabetes, ta den proceso pa establece un centro di oncologia, incluyendo diagnostico, tratamento di radioterapia y kimioterapia.

E centro di diabetes pronto lo bay inclui un centro di dialisis pa pashentnan di henter Aruba y specialmente pa esnan cu biba na San Nicolas y becindario. IMSan lo conoce un expansion considerabel den e periodo nos dilanti, unda lo añadi un consultorio completo pa diagnostico y tratamento di cancer. Awendia cirugia ta tuma luga na dr. Horacio Oduber Hospital y pa awor esaki lo keda asina tambe. Aruba lo adkiri su mesun mashin yama un "linear accelerator" pa pashentnan tuma tratamento di radioterapia, o sea "bestraling", na nos isla mes cu nan "support system" di famia y amigonan cerca pa brinda e pashent e apoyo asina aprecia y necesario. Esaki tambe ta un di e motibonan pa Minister di Salubridad y Deporte, dr. Richard Visser su interes y determinacion den realisa e proyecto aki. Pa e mandatario e salud y trankilidad emocional di e pashent ta hopi importante. Mester pensa tambe ora cu e pashent biaha pa tratamento cu esaki tin un impacto financiero considerabel tambe, tanto p'e pashent como pa su famia. Si e pashent por tuma su tratamento na Aruba e gastonan pa e famia tambe lo ta considerablemente menos. Un tratamento di radioterapia den exterior ta por varia di algun siman y por yega te na algun luna, cada caso ta diferente. Tur pashent y nan famia ta experencia e presion financiero y emocional cu e biahe y estadia largo den exterior ta trece cun'e. Tin pashent hasta cu no por haya un acompañante pa biaha cun'e of cu por keda cun'e pa henter su tratamento y e mester enfrenta e situacion aki su so den exterior. Si e pashent ta na Aruba e no ta su so y si su nivel di energia y estado fisico ta permiti, e por hiba un bida lo mas normal posibel y kisas hasta traha riba dianan cu e ta sinti su mes capaz pa esaki. E establecimento di un centro di oncologia ta un escogencia logico pa IMSan como cu cancer ta un di e causanan principal di mortalidad mundialmente y tambe "vergrijzing" ta aumenta casonan di cancer. Aruba ta paga un total entre 15 pa 20 miyon florin na tratamento di cancer pa aña localmente como tambe den exterior. Esaki ta inclui costo di remedi, cirugia, hospitalisacion, kimoterapia y radioterapia. Di e 15 pa 20 miyon florin aki, aproximadamente 6 miyon ta wordo gasta na tratamentonan den exterior. Calculacionnan haci ta mustra cu Aruba lo conoce 400 pashent nobo di cancer anualmente y ta wordo premira cu lo tin un aumento di 10% entre pashentnan cu lo mester ricibi tratamento den exterior. Aruba su incidencia di ocurencia di cancer ta similar na esun di Hulanda, pero dos biaha mas cu esun den Caribe. Den otro palabra, e porcentahe di pashent di cancer na Aruba ta similar na esun di Hulanda, pero Aruba tin dos biaha e cantidad di pashent di cancer cu e promedio di e Region di Caribe. E tratamento di radioterapia ta wordo duna cu un "linear accelerator", cual ta un aparato cu tecnologia "top of the line" pa deshaci di celulanan dañino den e curpa humano. Datonan di World Bank ta indica cu un pais of region adkiri un "linear accelerator" cu resultadonan cu ta financieramente responsabel, e pais of region mester tin un minimo di 100 mil habitante. Tumando esaki den consideracion, ademas cu ta existi e posibilidad tambe pa ofrece e tratamento di radioterapia na pashentnan di otro islanan di Caribe Hulandes y otro paisnan Caribensa, Aruba sigur ta cualifica pa tin su mesun centro di radioterapia. E adkisicion di un "linear accelerator" pa Aruba ta wordo sosteni pa e specialistanan di oncologia na nos isla como un complemento indespensabel den e pakete pa tratamento actual di cancer. E grupo di specialista cu lo traha den e departamento di radioterapia lo inclui algun doctor local y doctornan Hulandes kendenan lo por conta riba guia y coaching di Baptist Health South Florida ora cu ta necesario. Specialistanan di oncologia localmente ta considera e proyecto aki como un gran oportunidad pa e comunidad di Aruba, unda cu tratamento di cancer ta keda complementa di e miho forma posibel.

gallery1 gallery1  

Comentarionan (2)Add Comment
Annie Vijsma
January 09, 2013
67.23.232.242
Votes: +0
...

Hopi pabien cu e logro tan grandi aki Aruba mester di e saki.Mi a maak mee cu patientnan cu tabata jora pa bin cas, grandi i chiquito, mi Ta gradici Dios na prome luga i nos gobierno ta un logro hopi angela pa hopi di nos pashentnan cu ta sufri di cancer i di curazon mi ta spera cu tur otro fasilidad pa den gezondheid un dia nos por tin tur aki na nos isla cu nos ta stima Aruba.

politica
January 08, 2013
201.229.118.204
Votes: +12
...

con a para cu catarisacion ????? y ta esey so por hasi na San Nicolaas , mi a kere cu a wordo priminti cu INSAM lo bira e second hospital?????

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter