| Santa Rosa ta invita tur nos amigonan cunukero pa bin bende nan productonan fresco durante e di prome mercado pa 2013 |
 |
 |
| Tuesday, 08 January 2013 10:29 |
 Despues di a clausura un ana exitoso pa Santa Rosa, un biaha mas e Departamento ta preparando pa ofrece otro Mercado cu productonan fresco pa tur nos clientenan fiel di tur luna. Normalmente Santa Rosa su di prome Mercado ta wordo organiza ariba e prome Diadomingo di Maart pa motibo di e celebracion di carnival.
Pero ariba peticion di varios di e Cunukeronan cu a planta y cu lo tin cosecha pa fin di January, Santa Rosa a opta pa organiza Mercado ariba dia 25 di January cual ta Dia di Betico y un dia liber. E horario pa e Mercad lo ta di 9 AM pa 1 PM y e Mercado lo tuma lugar na Santa Rosa mes. Pa tur e productornan interesa den bin bende nan productonan fresco, sea berdura, fruta, honing, carni, webo etc ta mas cu bon bini. E costo ta Afls 25,- y ta inclui bo tent, 1 mesa y 2 stoel. Pa mas informacion por tuma contacto cu Sra. Eisha Esser pa e por registrabo of jama 5858102 pa mas informacion. Nos a conpronde cu tin varios Cunukero cu ya a confirma dus na nos clientenan di tur luna, trece boso shopping bag paso lo tin basta producto fresco. Y na tur e Cunukeronan cu nunca a bin bende, corda cu esaki ta un actividad pa yuda boso bende boso productonan y yuda nos engrandece nos sector primario di Aruba. Pa medio di esaki nos ta invita tur nos productornan local pa bin registra pa asina bo tambe por forma parti di e tremendo evento aki. Tambe nos kier a probecha pa comparti cu boso nos Calendario di Actividad di Santa Rosa. Por tin algun cambio durante ana pero nos lo anuncia esaki di inmediato. Mercado di Santa Rosa 25 januari 2013 Mercado di Santa Rosa 3 Maart 2013 Opendag “ Dia di Tera” (Earth Day 22 april) 21 April 2013 Mercado di Santa Rosa 5 Mei 2013 Mercado di Santa Rosa 2 juni 2013 Mercado Santa Rosa/Dia di Piscado 7 juli 2013 3er Festival di Cuminda Crioyo 4 Augustus 2012 Mercado di Santa Rosa 1 September 2013 Fiesta di Cunucu/ World Alimentation day 20 Oktober 2013 Mercado di Santa Rosa 3 November 2013 Mercado di Santa Rosa & Bazaar di Pasco 1 December 2013 |
Mustra/Kita e formulario di comentario
