Monday, 22 December 2014
Minister Otmar Oduber: Minister di Labor ta cumpli cu su compromiso pa proteha clase trahador cu ta biba di un salario minimo Print E-mail
Tuesday, 08 January 2013 17:21
Comparti

Otmar Oduber003

Minister di Labor Otmar Oduber ta haciendo su maximo esfuerzo pa por logra trece cambionan necesario den ley di salario minimo, pa asina mehora e posicion di esnan cu ta biba di dje. Esaki ta un di e cambionan di ley laboral cu lo bay wordo trata den Parlamento e aña aki. Minister Oduber kier pa tur trahador tin e garantia di un cierto suma pa luna pa por sigui bay dilanti. E mandatario ta di opinion cu e salario minimo mester ta full den placa.

Manera e situacion ta actualmente e sueldo minimo por consisti tambe di otro componentenan. E mandatario ta para firme tras di e pensamento cu e trahador di menos entrada no por keda atras, na momento nos economia ta bayendo den bon direccion. Ta asina cu e trahador cu traha 40 ora pa siman durante un luna completo, no por bay cas na final di dia cu un sueldo menos cu e salario minimo entrante 1 di januari 2014. E empleado cu traha menos cu 40 ora pa siman tin derecho riba un salario minimio relativamente menos di e stipulacion normal. E salario minimo pa un trahador cu ta traha 32 ora pa siman ta un 4/5 di e salario minimo y un trahador cu un hornada laboral di 36 ora pa siman lo bay cas cu un 90% di e salario minimo. Den actualidad, un dunador di trabou y un trahador por a yega na e acuerdo cu e sueldo minimo por ta consisti di otro componentenan cu no ta den placa (manera “tips, trunk, point system, cuminda y huur di vivienda”). Minister di Labor kier elimina esaki y ahuste caminda cu tur sistema di compensacion cu e trahador ricibi for di e cliente pa su esfuerzonan, no por wordo aplica como parti di e salario minimo. Por agrega cu e mandatario ta mira esaki como un incentivo pa e trahador por funciona den un forma mas productivo mirando cu el lo por gana mas na final di dia. Minister Oduber su obhetivo principal pa bin cu e cambio den ley di salario minimo ta pa duna tur trahador e oportunidad y garantia di por conta cu un sueldo minimo y socialmente aceptabel pa por cumpli cu su nesecidadnan primario di bida diario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter