Sunday, 23 November 2014
"Think Big Go Big" a yega Aruba bek y tur hende ta bon Print E-mail
Tuesday, 08 January 2013 18:18
Comparti

Rescate (16) (Medium)

E tabata un odisea di varios ora riba lama prome cu e yudanza a yega pa e boto "Think Big Go Big". E boto aki procedente di Aruba y cu a bai Fuikdag na Curacao a sali dialuna 11or rumbo bek pa Aruba. Nan a perde rumbo. Despues di haya problema cu un motor a perde rumbo y contacto cu e otro botonan cu tambe tabata na caminda pa Aruba. Anochi a sera y mirando cu nan no a yega a bati alarma. Dialuna anochi lat a cancela buskeda.

Despues a cuminsa mainta trempan. E avion Pluto a notifica cu a haya e boto na 44 miya panort di Aruba despues cu un tankero a capta nan yamada di emergencia. E tankero a manda e mensahe pa autoridad di kustwacht cu nan su turno a yega mesora cu e avion. Nan rumbo tabata totalmente robez y na dado momento nan mes a give up y cuminsa drief pendiente pa yega na e tankero mas cerca. E yudanza di Cutter di Kustwacht a pone nan bek riba e bon caminda. Nan mester a yega algo pasa di 2or di atardi. Gasolin a caba y mester a tank. A yudanan cu gasolin pa e dos motornan di 70 horsepower por a sigui pusha e boto. Despues dokter mester a controla dos di esnan abordo di e boto. A bolbe bin otro retrazo. Di 2or el a bai pa 3or y finalmente e boto a drenta Aruba den careda di 5or. Tur 7 persona tabata ok abordo. Famianan, slachtoffer hulp, personal di ambulance, Kustwacht y Polis Maritimo tabata presente pa ricibi esnan riba e boto "Think Big Go Big" na waf di Playa. E tabata un experiencia cu un final feliz. Nan a haya yudanza necesario. Marcelino donjo di e boto mes a splica cu esaki ta di dos biaha cu e ta sali pa un distancia leu asina cu e boto. Riba compas nan ta nabega y despues cu mal tempo a dalnan fuerte cu yobida y scuridad e situacion a bira un problema. Otronan den boto mes tabata pensa diferente riba loke a sosode. Tin cu a bisa cu esaki ta algo simpel pa nan mientras cu otro tabata bisa cu nan no kier pa esaki pasa cu ningun otro hende. E lama tabata bruto y no tabata facil pa nan por a yega tera. E distancia entre Aruba cu Curacao ta 60 miya y den e proceso aki cosnan a bai robez cu e embarcacion aki. A haya nan na 44 miya panort di Aruba cu no tabata asina cerca tampoco. Marcelino cu ta donjo di e boto a splica tambe cu e ta den proceso pa busca un GPS pero ainda esaki no a keda concretiza. Amigonan y famianan a ricibi esnan abordo cu brasa y grito di alegria. Tabata un momento masha special pa ricibi e personanan aki cu tabata perdi pa mas cu 24 ora riba un lama cu anochi dificilmente nan ta mirabo. Nan mes a mira e avion ta bula pero e avion tabata basta leu. A manda un senjal cu flair pero nan no a mira esaki. A manda senjal cu nan radio VHF pero tampoco a capta esaki. Finalmente na ultimo algo pasa di 6or e tankero a capta e senjal di emergencia y asina nan a manda e mensahe aki pa kustwacht. Presente na waf tabata tey tambe e personal di SARFA cu tabata sigui cada desaroyo relaciona cu e boto y si tabata necesario nan tabata cla pa yuda. Den combersacion cu tata di un di damanan abordo el a splica cu henter marduga nan tabata pendiente. Nan a tende yen di noticia falso di ayeranochi cu a haya e boto y tambe otro noticia cu boto a bolter. Esaki nan ta lamenta masha. Ta diamars mainta nan a bin scucha e bon noticia via Canal 90 durante e noticiero cu a haya e boto y tur hende ta bon.

album album album
album album album
album album album
album album album
album album album
album album album
album album album
album   

Comparti
Comentarionan (5)Add Comment
Black P
January 09, 2013
67.23.232.242
Votes: +0
...

Na promer lugar percura pa ora di subi laman bo ekiponan ta na ordo y ta funcionando. Na di dos lugar Mama naturalesa ta haci kico cu e kier y cu ken e kier anytime. Respeta laman. Danki Dios boso a jega sano y salvo.

Nortero2
January 09, 2013
67.23.232.242
Votes: +1
...

Nan ta durf si, den un boto chikito asina ei.

tin fe
January 08, 2013
190.104.101.71
Votes: +0
...

un danki specialmente na nos tata creador y na un y tur cu a preocupa y no huzga un danki di curazon.

carmen
January 08, 2013
201.229.29.225
Votes: +0
...

duna Senjor dankie, senjor ta poderoso y a juda pa boso a jega sano y salvo, ta hopi tin cu no a jega nunka mas nan pais serka nan sernan keri, stop di bisa cu esaki ta coi loko of cu no a spanta etc...... pasobra esaki ta algo hopi serio mes,contento di sa cu tur ta sano y salvo bek riba e isla aki.

mmhh
January 08, 2013
201.229.37.219
Votes: +7
...

welcome back contento boso ta bek i tur hende ta bon.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter