Friday, 31 October 2014
Organisacion di Pensionadonan OPPA ta habri aña di celebracion cu grandioso caminata Print E-mail
Wednesday, 09 January 2013 00:54

elderly-couple
Aña 2013 ta aña di lustro pa OPPA cu ta e Organisacion di Pensionadonan Publico Arubano. E aña aki e organisacion ta celebra su lustro di Plata pa ta mas exacto dia 26 di augustus 2013. En conexion cu e aña di celebracion OPPA ta habri e aña importante aki cu un caminata combina cu ‘Dance Fit y Tai Chi’ pa su miembronan y pa tur otro persona cu ta 60+ of mas hoben cu tambe ta interesa pa participa.

Hunto cu colaboracion di Instituto Biba Saludabel y Activo, IBiSA, organisacion OPPA ta organisa e tremendo actividad aki. Tur persona, pues comunidad di Aruba ta mas cu bonbini pa participa hunto cu Organisacion OPPA y su miembronan na e caminata cu ta tuma lugar diasabra awor dia 12 di januari 2013 y ta sali pa exactamente 5’or di atardi for di Linear Park riba L.G. Smith Boulevard. Como organisacion di nos pensionadonan, OPPA ta invita un y tur pa habri aña nobo 2013 den movecion y consciente pa nos salud. Pues ta spera tur persona cu ta sinti cu nan mester di movecion, ehercicio y esnan cu ta desea di keda den bon condicion pa bin y participa. Participacion na e caminata organisa pa OPPA diasabra awor na Linear Park ta completamente gratis. Asina ta: “Wak pa bo tey”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter