| Red Machine Giants a sera 2012 cu un tremendo bustrip |
 |
 |
| Wednesday, 09 January 2013 12:02 | ||||||
 Den un ambiente familiar diferente team di Baseball cu ta forma parti di e organización di Red Machine Giants a clausura e anja den un recorido di bus pa wak lusnan di pasco rond di Aruba.
E tawata un anochi na unda e muchanan a pasa masha pret cantando canticanan di pasco y contando joke asina pa deleita un y tur cu a join e bus trip. E anja 2012 tawata uno den cual e teamnan di Baseball di Red Machine Giants tawata hopi activo participando den diferente campeonato manera di Gold Glove, Sluggers y ABBA na unda cu e teamnan prácticamente a hunga tur weekend asina dunanando e muchanan oportunidad pa hanja mas experiencia y asina sinja hunga e wega mihor. Tambe e team di RMG Infinity Sport 5-6 y 7-8 a biaha pa Boneiro durante e luna di October pa asina hunga contra di selección di Boneiro den weganan di fogeo. Pa Anja 2013 tin varios planesnan pa cu e teamnan di RMG Infinity Sport 5-6 y 7-8 incluyendo un viaje pa Orlando na unda cu lo participa den e weganan di ESPN na July. E teamnan di Red Machine Giants ta train tres vez pa siman ariba veld di Sero Preto na Paradera y ta invita muchanan pa bin join un di teamnan. Pa mas información over di e teamnan of pa inscribi por pasa libremente na Infinity Sportshop dilanti di Bright Bakery na Piedra Plat.
|
Mustra/Kita e formulario di comentario
