Thursday, 30 October 2014
Aeropuerto di Aruba cu 11% di crecemento pa 2012 Print E-mail
Wednesday, 09 January 2013 16:51
DSC_2063
AAA ta wak bek riba aña 2012 como uno sumamente positivo y ta di aplaudi e resultadonan cosecha cu ta hopi satisfactorio. Maske e resultadonan estadistico final no ta cla ainda, por papia caba di un crecemento compara cu aña anterior, cual ta un record pa 2012 pa Aeropuerto Reina Beatrix.

Jo-Anne Arends, Head Airline Marketing di aeropuerto, a comenta riba e cantidad di stulnan ocupa durante aña pa destinacion Auba, mirando cu esaki ta un factor grandi pa cu evaluacion di resultadonan pa turismo.  

Den cuadro di esaki, Minister di Tursimo, Otmar Oduber a indica cu temporada winter 2012-2013 por mira crecemento di 11%. Pa ta mas specifico riba cada mercado, ta mira cu e mercado Mericano a aumementa cu 5% di bishitante riba nos isla. Si mester wak e aumento den bishitante biniendo di Canada cu tin un crecemento di 13% pa ATA y cu capacidad di stul di 6% pa aeropuerto. Loke ta e cantidad di turistanan cu a bin Aruba for di Latino America a aumenta cu 30%, mientras tanto e mercado Europeo a conta cu 1% di crecemento. Esaki ta un total di 11% crecemento cu ta ekivalente na 50.386 stul adicional pa Aruba.

Jo-Anne Arends a splica igualmente cu a nota cambio den caracter di aerolineanan, como tambe nan strategia. Riba “peak days” por a wak un crecemento riba e frecuencia di avionnan.

Tambe e ehecutivo di aeropuerto a elabora riba e stategia pa 2013 pa asina logra haya mas vuelo pa Aruba. AAA ta enfatiza pa crea un pakete di incentivo pa logra haya aerolineanan pa bula e orarionan cu tin slotting habri. Esaki ta hopi importante pa e diversificacion di Latino America cu ta bula otro orarionan y ta bula riba oranan cu e aerolineanan Mericano no ta bula. Sigur un punto cardinal pa haci uso aun mas di e pakete di incentivonan aki, pa asina convence e aerolineanan cu ta bin di e rutanan aki pa bin riba otro orario.

AAA ta sumamenta positivo pa 2013 y ta indica cu lo tin hopi desaroyonan di parti aerolineanan.

 



 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter