Registracionan di DMA na Aeropuerto ta indica cu na Aruba a cai un total di 527.8 mm di awa compara cu e normal di 471.7 mm.

Tabata tin mas dianan di awacero cu normal i tabata tin mas dianan cu awacero companja cu lamper i strena tambe compara cu normal.
E lunanan cu awacero tabata abou di normal tabata juni,juli,augustus,september i november. Un promedio di 66.9% di e awacero a cai durante
nos temporada di awacero cu ta januari,oktober,november i december. Tambe por indica cu mei 10 2012 tabata e dia cu mas awacero a cai den
24 ora, unda a registra 46.8 mm dia den un dia. Addicionalmente por remarca cu e luna di mei tabata tin 5 dia cu 'onweer' cu ta mas halto
cu e normal pa mei. October 29 (40.2 mm) i decmber 23 2012 tambe basta awacero a cai den un dia (39.4 mm).

Temperatura average di Aruba tabata pa 2012 28.4 Centigrado cu ta serca di e normal di 28.1 Centigrado. E luna mas calor pa Aruba
tabata September 2012 cu un average di 30.1 Centrigrado. E temperatura absoluto maximo tabata 35.6 Centigrado registra 1 di augustus 2012.
E dia mas frieuw tabata 21 di januari 2012, repectivamente 22.0 Centigrado.

Pa condicionan di biento por indica cu e luna cu mas biento tabata juni 2012. Relaciona cu biento por bisa cu augustus 27 i september 23 tabata e
dianan cu biento tabata tin rafaga mas duro, respectivamente 21.1 m/s (41 nudo).

2 Temblor a wordo sinti pa publico na Aruba na 2012, respectivamente januari 3 i 9. Nan magnitud (Mw) tabata 2.2 i 2.0. Tur dos tabata cerca di Aruba
, unda esun di 2 Mw tabata riba Sanicolas.

Projecionan pa e lunanan januari te cu maart 2013 ta indica cu e chens pa awacero lo ta normal pa un tiki riba normal.
E temperaturanan average pa januari- maart 2013 lo keda normal.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi