Friday, 25 April 2014
Drs. Mervin WYatt-Ras: Reconstruccion y renovacion di dr. Horacio Oduber Hospital mester bai man den man cu mihor calidad di cuido na e patient Print E-mail
Wednesday, 09 January 2013 17:25

ley pa recontrucion y renoba hoh

Durante e reunion publico ayera y antayera cu a trata e ley di apoderacion di gobierno pa por sera un acuerdo cu SOGA pa reconstruccion y renovacion di hospital dr. Horacio Oduber, parlamentario independiente, drs. Mervin Wyatt-Ras a trese padilanti su preocupacion pa e calidad di servicio di hospital. E parlamentario aki a haci diferente pregunta critico na gobierno.

Esta a base di ki argumento a dicidi di skohe pa mesun lugar cu hospital ta actualmente envez di un situo mas central di Aruba. Esaki a base di e hecho cu esnan cu ta biba pariba tin cu pasa oranan largo o sea den auto of haciendo uzo di transporte publico promer cu nan yega hospital. Otronan tin cu core solamente 5 pa yega. E consecuencianan financiero ta entre otro cu gobierno lo mester paga 2 miyon. E parlamentario a puntra pa gobierno cuento lo mester paga pa luna y si e suma a keda 2 miyon of si ela subi. E parlamentario a puntra dicon ta sera e acuerdo cu SOGA so, y si tabatin otro opcion, cual opcion. Mervin Wyatt-Ras como presidente di e comision di salubridad a organisa diferente presentacion unda minister y tambe hospital a splica nan maneho ariba e tereno di salubridad. Aki por a compronde cu hospital ta trahando ariba diferente cambio di e calidad di servicio. Ta keda ainda e servicio di Emergencia cu nos hendenan te ainda ta experencia como no eficiente, rapido y cualitativo. Recientemente a ser publica den corant cu un persona despues di a keda pa horanan largo ta warda a haya complicacion y a fayece. Ademas ta ser experencia ora cu ta trata di patientnan di edad e atencion pa cu nan no ta uno optimal. Aki e parlamentario a expresa su preocupacion pa mehoracion den esaki. Durante un presentacion na Parlamento a ser tresi dilanti cu construccion di e hospital lo bai conhuntamente cu un vision y e vision a keda a keda presenta. Wyatt-Ras a puntra di ya caba a yega na un decision riba cual specialismo HOH lo enfoca y riba cual IMSAN. E parlamentario a enfoca alavez ariba e importancia di duna informacion na e patient, cu esaki ta un derecho di e patient y cu tin hopi reclamo ariba e topico aki. Alavez e cooperacion entre specialistanan cu den varios ocasión no ta bai manera cu mester ta. Segun e parlamentario ela experencia ultimo un bon cooperacion di parti di e expertonan di long, sinembargo e kehonan ta varios pa loke e transmision di informacion di un specialista pa otro den bienestar di e patient. Tambe e kehonan encuanto e tempo cu e patient tin cu warda promer cu e por haya un cita cu un specialista y si esaki lo mehora. A puntra alavez si den e edificio tin un espacio unda specialistanan por topa pa asina consulta cu otro den bienestar di nan patientnan. E parti di keho di e patient ora e no ta contento cu e servicio of cuido tambe ta keda un punto cu ta rekeri di atencion. Di varios patient por compronde cu ora nan duna un keho di algo cu no ta bai bon segun nan cu nan no ta tende nada mas despues. Esaki ta haci cu e patient no ta duna keho ora e no ta di acuerdo cu algo y ta haci cu e chens pa mehoracion di e cuido tambe ta keda limita. E parlamentario a trese padilanti su preocupacion pa e vergrijzing di personal di enfermeria y cu mester haci uzo di e gran conocimento di e enfermero(a)nan cu tin experencia y pasa esaki over na esnan cu ta inicia nan carera. Ela puntra ki tempo lo inicia cu e estudio di enfermeria avanza den cooperacion cu universidad di Aruba y kico lo sosode pa loke ta trata tur esnan cu studia enfermeria na EPI, si nan lo por ser coloca. E parlamentario a trese padilanti cu e cantidad di enfermero ariba e patientnan no ta sufiente en especial ora ta trata patientnan cu mester di mas ayudo, p.e. patientnan cu dementia of alzheimer. Pregunta ta ki dia y cu cuanto lo aumenta e cantidad di profesionalnan di enfermeria ariba piso. Esaki sigur lo facilita e trabao di e personal di enfermeria. E parlamentario a puntra alavez encuanto di e ley cu lo reglamenta registracion di BIG y kico ta opinion di e personal di enfermeria pa loke ta trata e ley aki y ki tempo por spera dicho ley den parlamento. Finalmente Wyatt-Ras a entrega un mocion pa asina amplia e cuido di patientnan na cas.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter