Thursday, 23 October 2014
Fundacion Bon Nochi Drumi Dushi cu hopi plan positivo pa 2013 Print E-mail
Wednesday, 09 January 2013 17:53

PA140099front

Fundacion Bon Nochi Drumi Dushi ta cla pa enfrenta un aña mas cu hopi amor y dedicacion pa lanta e placer di lesamento serca muchanan. E fundacion por mira bek riba un aña 2012 exitoso, cu hopi actividad pa mucha, tayer na studiante y scolnan y mas cu claro e bishitanan na cas rond di nos isla. Bon Nochi Drumi Dushi ta un proyecto di promocion di lesamento cu ta funda for di aña 2007.

E meta central di e fundacion ta pa hiba e placer di lesamento serca e mucha na su cas y asina laga atras un herment valioso cu henter famia lo beneficia di dje den futuro. E grupo meta ta e muchanan di edad 4 te cu 8 aña. Pa muchanan mas grandi Fundacion Bon Nochi Drumi Dushi ta organisa varios actividad rond di lesamento tambe, entre otro un quiz tocante lesamento di buki pa muchanan den klas 5 y 6 di scol basico. Na e momentonan aki Fundacion Bon Nochi Drumi Dushi ta den pleno preparacion di e actividadnan stipula pa 2013 y alavez den evaluacion di aña 2012. E fundacion ta desea di mehora su servicio na comunidad y muchanan. Por ehempel, tin algun cas cu pa un of otro motibo no a ricibi bishita di lesado siendo cu nan a aplica pa hanja bishita. E fundacion ta desaroyando un sistema pa evita esaki mas hopi cu ta posibel y lo tuma contacto cu e adresnan cu no a ricibi bishita. Fundacion Bon Nochi Drumi Dushi ta conta cu un plataforma di voluntario masha dedica na e meta y ta sumamente contento cu esaki, sinembargo, tin areanan unda e fundacion por hanja ayudo di voluntario ainda e.o. ayudo administrativo, ayudo cu organisacion di actividad pa e voluntarionan di e fundacion, ayudo pa traha un sistema di comunicacion cu voluntario. E aña aki Bon Nochi Drumi Dushi ta lansa su website tambe y ta desea di ta mas interactivo cu su audiencia riba Facebook. Durante luna di Januari, Fundacion Bon Nochi Drumi Dushi lo sigi repasa y evalua diferente punto importante pa por brinda Aruba e mihor servicio posibel e resto di aña 2013. Si bo persona por yuda e fundacion cu e areanan menciona aki riba, por tuma contacto cu nan via bonnochidrumidushi@gmail.com. Riba e potretnan por mira un resumen di aña 2012 di Bon Nochi Drumi Dushi cu e.o. imagen di e actividad di clausura di Bon Nochi Drumi Dushi na December 2012. Tambe por mira Fundacion Bon Nochi Drumi Dushi na e open dag di IPA. Durante di aña Fundacion Bon Nochi Drumi Dushi ta duna informacion na diferente actividad y ta hanja ayudo di studiantenan di EPI, IPA y Universidad di Aruba cu ta completa nan proyectonan social na Fundacion Bon Nochi Drumi Dushi. Tambe por mira potret di un tayer. Tur lesado ta asisti un tayer y evaluacion prome y despues di haci bishita na cas pa lesa pa muchañan entre 4-8 aña di edad.

album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter