Tuesday, 21 October 2014
Clientenan di Mary Joan Foundation a bishita Fundashon Sinta Ros na Corsou Print E-mail
Wednesday, 09 January 2013 18:33

frontIMG-20121210-WA0003-2

Un grupo di cliente di Mary Joan foundation a biaha den luna di november pa 5 dia pa Corsow. E grupo a haya un invitacion special di Fundacion Sinta Ros di Corsow, cual tambe ta un foundacion cu ta brinda apoyo na esnan cu tin cancer na pecho. Preparacion di e biahe y fundraising tabata den man di sra. Rosa van der Biezen cu a traha hunto cu algun hende muher cu a participa na e biahe.

Danki na algun comerciante y conosir cu a hasi donacion pa hasi e coffie morgen possible. Organizando esaki a baha gasto di esnan cu a hasi e biahe. Presidente di Fundacion Sinta Ros sra. Angeline de Ron-Tromp a pone su cas disponible pa ricibi e clientenan di Mary Joan Foundation. Durante estadia nan a wordo invita pa participa y habri e Caminata Ros cu e fundacion ta organisa tur aña. Cu orguyo nan a habri e caminata cu e banner di Mary Joan Foundation dilanta di e milles di participantenan. Sra Joanna Dirksz a gana un premio special pa su creatividad di su vestuario durante e caminata. Durante un anochi ameno Sinta Ros a gradici e participacion di e delegashon di Aruba cual a bai Corsow pa intercambia ideanan y informacion riba e topico di cancer na pecho. Y alabes a invita e damasnan pa bolbe Corsow pa sigui participa den futuro actividadnan cu Sinta Ros ta bai organisa. Nutricion ta algo hopi importante pa e clientenan. Bow invitacion di Umbuto Wellness Center nan a disfruta di un plato vegetariano y nan a goza di e momento danki na sra. Cheraldine Osepa. Nan a bishita algun areanan turistico manera Barber, Dolfinario, Punda y Otrabanda y algun lugar mas. Ta gradici sra. Angeline de Ron presidente di Fundacion Sinta Ros y su esposo como tambe e damasnan di e fundacion pa e calido bienvenida y estadia cu a wordo ricibi.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter