Thursday, 02 October 2014
Embeyecimento strip di L.G. Smith Blvd cabando Print E-mail
Wednesday, 09 January 2013 19:04

front Planta (3) (Medium)

Riba L.G. Smith Boulevard entre Ex DOW y tambe Turbo Rotonde tin basta trabao andando e momentonan aki. Por mira e personal di Fantastic Garden bezig desde aña pasa y pronto lo keda cla cu e inversion aki di 400 mil florin. Minister di Integracion, Infrastructura y Medio Ambiente, Benny Sevinger, a splica cu na inicio di Gobernacion na 2009 a traha un plan pa mehoracion di producto Aruba.

Un di e areanan cu a cuminsa cune ta e tereno industrial cu ta keda anexo riba L.G. Smith Blvd, cuminsando pa asfalta tur e area rond e bisindario, pero tambe a embeyece esaki poniendo klinkers riba acera na ambos banda y a crea espacio pa staciona na banda, na mesun momento cambiando e trafico pa esun di un solo direccion. Di e manera aki ta stimula e hendenan pa yega e zona aki, pero tambe pa e zona mes tin un miho conexion di su infrastructura. E ta un area basta grandi cu a traha riba dje for di DOW te na Sun Plaza. Awor ta trahando riba e fase final, embeyecendo e parti mey-mey di e dos aceranan. Nan tin mata di coco, pero diferente a cay, pa cual awor ta yenando e espacio bashi cu mata di coco y yerba, cu lo tin nan sistema irigacion. E lo bay funciona como un “buffer” pa procesa e awa di yobida. Fantastic Garden ta e compania encarga cu e proyecto aki cu a rekeri un inversion di mas o menos 400 mil florin. Na final e lo keda un strip bunita caminda local y turista por cana of jog.

album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter