Thursday, 31 July 2014
Andin Bikker (PDR): Pueblo ta biba den miedo y no tin plan pa combati criminalidad Print E-mail
Wednesday, 09 January 2013 19:16

Andin Bikker008

Partido Democracia Real a tene su conferencia di prensa semanal caminda e lider di partido Andin Bikker a cuminsa pa manda palabranan di bon deseo pa pueblo den 2013 cu ta aña di eleccion. Un elección den cual Partido PDR lo tin un rol crucial.

Un di e puntonan cu Bikker a trece dilanti den su conferencia di prensa y cu el a bisa di ta masha preocupa riba dje ta e asunto di criminalidad. Pesey tambe e tema aki lo ta un tema central den e proximo programa di gobernacion di PDR. “Nos mester constata cu lamentablemente riba e tema aki Gobierno ta fayando barbaramente, pueblo ta bibando den tempo pasobra ora cu kere ta klapchi ta wordo tira, ta tiro a cay, motornan completo ta wordo horta, autonan ta wordo gejoyridenan practicamente tur dia y atraconan violento, cosnan cu nos isla no a conoce,” Bikker a trece dilanti. El a sigui splica cu na momento di prepara nan programa di gobernacion pa bay campaña cune, nan ta haci sondeo bou di pueblo, haciendo miles di yamada telefonico. Den esaki, segun a bini dilanti, pueblo ta reclama y demanda cu no tin siguridad, cu nan ta biba den miedo. PDR kier frena e ola di criminalidad cu pa tres aña y mey caba ta asotando e pueblo. Den oposicion e partido gobernante a critica pero awor nan no a logra frene. Si tin un plan mes, segun Bikker, e no ta funcionando. Pesey mester enfoca hopi riba e area aki y e lo hunga un rol central den e proximo programa di Gobernacion pa pueblo biba den trankilidad. E ta haya cu mester tin un documento, plan, mas concreto pasobra ya caba diferente ley a wordo pasa den Parlamento, entre otro e ley di defensa propio, ley di fondo pa combati criminalidad, etc. “Sinembargo esun na mando di husticia no kier presenta un plan y si e tin un plan mes nos no a mire, y obviamente e no ta funcionando. Mester tin un plan cu ideanan concreto cu mester ehecuta, y cual periodicamente ta evalua si e ta funciona of no pa e wordo ahusta. Trahando ad hoc criminalidad ta subi bo cabes y esey obviamente ta pasando,” e lider di PDR a expresa. Su pensamento ta pa combati criminalidad ta al estilo di Miami, unda cu cada 100 meter tin un auto of brommer di Polis staciona, cu ora di melding por sali rapidamente. Otro instrumento ta “crime alert” den cual e pueblo ta yuda resolve crimen y cu si nan tin tip valioso, ta wordo recompensa. “E cosnan aki ta facil pa ehecuta,” el a bisa. Pa loke ta ataca e problema social, PDR a bini cu un proposicion pa sanacion financiero personal, proosicion pa minimalisa e porcentahe di embargo cu por tin riba salario di un ciudadano y cu a wordo adopta den Dialogo Social. “Ta cosnan concreto, y lamentablemente nos ta haya falta di dje cerca Minister di Husticia ....” Bikker a duna di conoce.

Comentarionan (3)Add Comment
Cuidadano preocupa
January 09, 2013
67.23.232.242
Votes: -1
...

Andin si bo logra drenta den obierno y bo bira min.di husticia e promer cos cu bo tin cu hasi ta cambia e Alto Commisario tocado i trompet cu ta dedica mas na tocaento cu wak su cuerpo policial. Un alto-commisario cu ta bisa un ex-colega di dje dus su trahador cu den cuerpo e ex-colega tin jen di enemigo. Ta pakiko e ta na cabes diun cuerpo?? Hasta e ta bisa e ex-colega cu e ta zona manera un mafia. Maia ta esnan den bo cuerpo cu ta permiti tur e bagamunderianan cu ta pasando. Andin spera cu bo bira minister y manera Mr. Duyneveld a bisa saka appel putrinan cu tin den Korps y cuminsando den leiding.

M.A.U.
January 09, 2013
67.23.232.242
Votes: +0
...

Cu criminalidad ta subi rond mundo esei ta berdad.Pero tin hopi cos cu por ser haci pa juda damage control e problema. Pa e mes un motibo cu criminalnan nunca lo stop, no por spera di nan cu nan ta respeta Ley, Dus ni cuanto purba kita arma for di riba caya y evita criminalnan di usa nan esaki ta imposible pa logra. Pero si por laganan pensa dos biaha prome cu nan invadi propiedad di hende y comete crimen si Pueblo tin derecho pa ley di defende nan curpa y propiedad. Tin un fin di casonan grave eifo sin resolve, Cuerpo policial ta hasi nan best pa resolve dos , tres y mientras tanto 6 of 7 mas ta wordo cometi.Pero si pueblo balente di Aruba tin e autoridad di defende nan mes contra criminalnan , sin miedo cu nan ta hanja mas castigo cu e malechor , esei ya ta un sla duro pa criminalnan cu ta bai pensa dos bes prome cu nan drenta e cas of negoshi robez.

R.R.Ras
January 09, 2013
67.23.232.242
Votes: +0
...

E actitud tuma pa politico nan mes ta fomenta e aumento di criminalidad vooral door di trata na dividi e pueblo pa asina nan saca probecho politico. Nos por para critica y grita contra otro pero kiko ta bo plan y solucion pa e problema nan aki? Andin hopi biaha ta pretende di bin cu solucion nan pero financieramente esey no ta factible ni realisable. Tur parti mundo criminalidad ta subiendo pero tur gobierno nan di desaroya ta pidi cooperacion di su propio cuidadano nan pa medio di tip lijn pa yuda soluciona of evita crimen.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter