| 78% di parlamentarionan presente a vota pro expansion y renovacion di hospital nobo |
 |
 |
| Wednesday, 09 January 2013 21:14 |
|
E reunion a caba diaranzon den careda di 7or di anochi. Tabata un reunion cu hopi discusion y debate unda transparencia tabata total di parti di gobierno pa e proyecto aki. Por a tuma nota cu parlamentario Booshi Wever no a haci pregunta durante e debatenan pero mas bien a trece acusacionnan di corupcion sin prueba. Mas bien e tabata insinua cantidad di cos manera semper den parlamento. E ministernan a sa di contra aresta tur e ponencianan frustra di ex ministrer si Salubridad. Booshi Wever mes a sinta ocho aña largo y no por a ehecuta e proyecto. E gobierno actual den apenas tres aña gobernacion a bin concretiza e plan. Esaki ta un plan nobo y responsabel. Esnan cu a vota pro ta e fraccion di AVP completo, Andin Bikker di PDR tambe a sostene e ley, mescos drs Mervin Ras a sostene e ley. Drs Marisol Lopez Tromp no tabata presente mirando un biahe urgente pa Hulanda cu su yiu relaciona cu su salud.Esnan cu a vota contra tabata Xiomara Ruiz Maduro, Ady Thijsen, Arondino Croes y tambe parlamentario Booshi Wever. Ta notable cu lider di partido MEP no tabata presente ni prome y tampoco di dos dia di e reunion. Eddie Briesen tin lunanan largo cu no ta presenta mes den parlamento. Cu e sosten di 78% di e sala nifica cu gobierno lo tin e poder pa cuminsa cu e proceso pa construi e hospital nobo pa Aruba. SOGA lo construi e hospital nobo y gobierno lo huur e hospital pa 29 aña largo. Aki SOGA lo percura pa construccion, renovacion y mantencion di e hospital nobo. Pabien Aruba y pueblo por ta orguyoso di su hospital nobo cu lo percura den calidad di servicio y capacidad di cambernan relaciona cu cuido medico di nos pueblo. Esaki ta otro logro grandisimo di e gabinete Mike Eman Uno. Comentarionan (8)Mustra/Kita comentarionan ...
Esaki ta nifica cu ARUBA lo bay paga "SOGA" 29 anja largo un Suma di 29X12(Luna)cu ta 349 x Awg un Suma ??????(Boso a lubida di nota e Suma pa LUNA).Si e Edeficio di TNO,Gobierno ta paga Awg.30.000 pa luna,kiermen cu pa Hospitaal lo ta den "Miyons" toch?????? e porta 10 Miyon pa luna?????.Dus despues di 29 anja,ARUBA lo paga 349 Miyons(Awg.349.000.000.000) na SOGA.HOPI bon deal toch???????
  .
,
January 10, 2013
...
Imaginabo: "Ta notable cu lider di partido MEP no tabata presente ni prome y tampoco di dos dia di e reunion. Eddie Briesen tin lunanan largo cu no ta presenta mes den parlamento". Ta kiko a pasa cu Evelyn? E no tin gana di traha? Pero e ta cobra si? Y Eddie Briesen? Lagi nek, esakinan ta duna mal nomber na e institucion. Keda cas drumi y cobra? Biba MEP ohm!
,
January 10, 2013
...
Atrobe Evelyn no tawata tey? Segunmi e reunion aki tabata uno masha importante mes. Y mi a tende cu evelyn tambe ta cobra bashi premi. Lo e la bay sinta gaste.
,
January 10, 2013
...
Dicon evelin nunca tey den parlamento? E ta wordo paga pa traha of no? Y e ley di evelin por conta pami tambe of ami si tin di bay traha tur dia??????
,
January 10, 2013
...
Dicon evelynne croes y eddie briesen no tabata tey? Un reunion di asina un importancia pa nos pais? Lider di MEP no tey atrobe y pa lesa cu eddie briesen tin lunas sin presenta. Ma bon ta kiko ta pasando anto?
,
January 10, 2013
Duna Comentario y/of Comparti riba Social Medi |
Mustra/Kita e formulario di comentario
