Monday, 01 September 2014
Workshop nobo di Arte na Da Vinci Academy Print E-mail
Thursday, 10 January 2013 12:21
DSC_2063
Den luna di januari, Da Vinci Academy ta organisa dos workshop di arte: "Still Life Painting" y "Sculpting." Tur dos workshop ta bou guia di tres artista visual di Polen. Anna Pietrzak (pintor & video artist) a gradua na Art Academy di Cracow.

Anna a gana premio den varios competencia di pintamento y a participa den diferente exposicion solo y den grupo. Toska Dyblik (escultura) y Marta Kaminska (escultura) tambe a gradua na Art Academy di Cracow. Nan a ricibi un scholarship di e Ministry of Culture and National Heritage y ambos a participa den varios exposicion solo y den grupo na Europa.

Still Life Painting (4 siman)
E workshop aki ta consisti di 4 les y ta explora e aspectonan di still life painting manera composicion di e pintura, sinja con pa haci e still life mas dinamico y explora e posibilidadnan di color y tono. E docente ta guia e cursistanan den e fasenan di construcion di e obra y semper lo tey pa duna tur cursista atencion personal. No ta necesario pa tin experencia den pintamento. E lesnan ta tuma lugar na Da Vinci Academy riba diasabra 12, 19, 26 di januari y 02 di februari di 12.00 pa 14.00 di merdia. Edad ta 16 anja pariba. Ultimo dia pa inscribi ta diabierna 11 di januari.

E workshop aki ta consisti di e siguiente elementonen (na Ingles):

- Introduction and theory
- Drawing and painting demonstrations in relation to Still Life
- A short session on color theory and color mixing
- How to create ideas for your paintings and compose them ready for painting
- Painting your picture together with lots of motivating and informative advice
- A plenary session, where each work will be considered individually with expert commentary and advice

Sculpting (6 siman)
Den e workshop aki studiantenan ta sinja teoria y practica di escultura. E cursistanan lo traha un obra 3-dimensional y lo ricibi guia profesional di e docentenan Marta Kaminska y Toska Dyblik.  E prome parti di e workshop ta focus riba "sculpting from nature". Studiantenan ta traha un portrait (1:1) of un figura chiquito. Tambe lo traha un relief cu klei, cual por ta abstracto pero esaki ta keda na cada studiante pa dicidi pa nan mes. Tur obra lo wordo traha cu klei. E di dos parti di e workshop ta concentra riba e trahamento di un mold pa e obra.

E workshop ta habri pa beginners y pa esnan cu ya caba tin experiencia den escultura. E lesnan lo cubri e areanan Form, Structure, Balance, Texture y Energy, usando klei como e medio. Varios tecnica basico lo wordo demonstra y tambe cierto tecnicanan mas avansa. Tur material ta inclui den e workshop.

E lesnan ta tuma lugar na Da Vinci Academy riba diahuebs 17, 24, 31 di januari y 07, 14 di februari di 19.00 pa 21.00 di anochi. Edad ta 16 anja pariba. 

Pa inscripcion of mas informacion tocante e workshop bishita e website www.davinci-aruba.com of yama telefon 5889926 entre 14.00 cu 18.00 di atardi. Ultimo dia pa inscribi ta diabierna 11 di januari.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter