Sunday, 21 September 2014
Gana di expande bo negoshi den 2013? Atende Camara di Comercio su Business Plaza - Step Forward! Print E-mail
Thursday, 10 January 2013 16:47
DSC_2063
Aña nobo ta trece oportunidad y reto nobo pa tur hende. Pa tur empresario cu nan intencion pa 2013 ta engrandece nan negoshi, Camara di Comercio y Industria (KvK) ta organisa Business Plaza – Step Forward!

E di dos edicion di Business Plaza aki lo contene tur tipo di informacion pa yuda bo negoshi crece. E ta tuma lugar ariba diasabra, 19 di januari proximo na Camara di Comercio. Entrada ta gratis.

Danki na sponsornan Ernst & Young, Deloitte, PricewaterhouseCoopers y KPMG, Business Plaza – Step Forward! lo ofrece un programa completo na e empresario, unda e lo recibi informacion valioso tocante varios aspecto cu ta trata maneho, structura y expansion di negoshi. E programa lo consisti di presentacion di expertonan riba tur tereno relevante, manera con pa haci strategic marketing, tuma decision financiero, recurso humano efectivo y sostenible, beneficionan di durabilidad (going green) y mucho mas.

Henter dia lo tin workshops, na diferente momento, tocante business planning y administracion financiero, cual lo duna e empresario e empuhe den direccion correcto pa expande y engrandece su negoshi. E evento lo fungi como plataforma unda empresario por comunica y intercambia idea cu otro empresario y profesional tocante “best practices” y otro recomendacion pa nan negoshi crece.

Bishitantenan lo tin oportunidad pa haya consulta priva cu representantenan di KvK, Free Zone Aruba NV, DEZHI, SIAD y Douane kendenan lo duna informacion tocante con pa expande negoshi na Aruba, comercio internacional, importacion y exportacion y mucho mas.

Europe meets the Americas

Idealmente pa esnan cu kier nan negoshi crece internacionalmente of kier establece contactonan nobo na Europa y/of Latino America, por haya sa mas con pa realisa esaki na Europe meets the Americas. Durante Business Plaza, Prome Minister di Aruba, Sr. Eman, lo anuncia e evento internacional aki cu lo tuma lugar dia 5 pa 8 di Mei 2013 na Aruba. Europe meets the Americas ta trece Aruba un stap mas cerca di su meta pa funciona como hub entre Europa y Latino America. E enfoque ta con pa haci negoshi cu e diferente paisnan y ofrece oportunidad pa matchmaking y network entre negoshinan local y companianan di Europa y Latino America. Interesadonan por bishita e website www.eumeetstheamericas.com.

Admision ta gratis

Admision pa Business Plaza ta gratis, incluyendo snacks y bebida. Registracion adelanta ta necesario y hopi facil. Djis tuma contacto cu KvK na 582.1566, ext. 30/27 of manda nos un email na businessinfo@arubachamber.com" target="_blank">businessinfo@arubachamber.com.

Pa mas informacion, consulta nos website, www.arubachamber.com pa e programa di presentacion y workshops y tur otro desaroyo tocante Business Plaza. No perde e oportunidad aki!

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter