| Por haci pago di impuesto di vehiculo di motor riba diasabra tambe |
 |
 |
| Thursday, 10 January 2013 16:54 |
 Departamento di Impuesto ta participa cu por haci pago di impuesto di vehiculo di motor 2013 riba diasabra tambe. Lo duna e servicio aki na oficina principal na Camacuri durante e periodo di 12 di januari te cu 16 di februari proximo.
E orario di caha riba diasabra lo ta non-stop for di 8:00am te cu 2:00pm. Despues di haci pago e cliente por pasa busca su plachinan di number mesora durante e orario menciona. Clientenan cu ta desea di haci pago pa otro typo di belasting tambe por haci uso di e servicio ariba e dianan menciona. Mester remarca cu e servicio extra aki no ta conta pa esnan cu ta desea di paga na e Oficinanan di gobierno den districto ya cu e oficinanan aki no ta habri diasabra. Departamento di Impuesto ta spera di por yuda mas tanto cliente posibel den e dianan venidero.
|
Mustra/Kita e formulario di comentario
