Saturday, 25 October 2014
Aruba Basketball bond ta duna inicio na su mid-season tournament “THE CHALLENGE” Print E-mail
Thursday, 10 January 2013 17:29

75376 532564983433986 432162137 n

Diabierna (January 11, 2013) awor Aruba Basketball Bond ta duna inicio na su mid season tournament “The Challenge” “The Challenge” ta bira e torneo unda lo competi entre e liganan. E meta di e torneo aki ta pa duna e mihornan di cada division e oportunidad pa hunga contra e parti mas abou di un division mas alto y e ta sirbi como warm up pa continuacion di campeonato.

Ainda ta fresco den nos memoria ora cu aña pasa Aruba Juniors Red Devils di division kadet a gana Aruba Juniors La Estrella di division junioren pa asina bai cu e titulo di cadet/junior. E division pasarella su posicion 3 te cu 6 lo hunga un torneo entre nan pa saca e campeon di pasarella. E prome dosnan di pasarella lo hunga contra posicion 3 cu 4 di cadet y e mihornan di cadet lo midi forsa contra e division di junior. Pa loke ta senioren lo tin un pool unda Liga Menor ta hunga contra esnan di Liga Superior. Riba e prome fecha esta diabierna awor weganan lo cuminsa pa 7.30 di anochi riba canchanan di Aruba Juniors na Socotorro. Aki lo enfrenta otro den division di senioren Aruba Juniors Blue Devils di Liga Menor contra YMCA San Nicolas di Liga Superior. E di dos wega lo bai entre Estrella Liga Menor contra De Vuyst Impact Liga Superior. Dialuna otro siman dia 14 di januari e campeonato ta move pa YMCA San Nicolas unda cu e prome wega lo ta pa 7:30 pm. De Vuys t Destroyers di Liga Menor y YMCA Dakota di Liga Superior lo topa otro. E ultimo wega di e anochi ta priminti di bira un bon wega unda cu e nr 1 di Liga Menor, De Vuyst Ballers lo enfrenta Estrella kende ta e nr 4 di Liga Superior. Aruba Basketball Bond a tene cuenta cu e actividadnan di Carnaval y no ta pone wega ora tin evento grandi. Fanaticonan ta invita pa bin wak e weganan y apoya bo team preferi .

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter