Thursday, 30 October 2014
Gobierno: Rockets Organization contento cu atencion di Prome Minister Eman pa su necesidadnan Print E-mail
Thursday, 10 January 2013 19:52

front

Rockets Organization tin un directiva dinamico cu mester di un poco ayudo y a manda un señal pa Gobierno di Aruba por medio di team BoBario. Mesora Prome Minister a reacciona y a acudi diaranson den oranan di atardi pa mira cu su mesun wowo e necesidadnan di e organisacion.

Rockets Organization tin un veld na Macuarima, situa net pariba di Botica Central y ta wordo uza awor aki pa training di diferente categoria di baseball. Lamentablemente nan tin algun inconveniencia pa haci uzo di e veld aki. Esaki tabata nan motibo pa combersa cu Premier Eman durante e bishita cu e mandatario a haci na e veld. Ademas di un splicacion di nan necesidadnan, e Prome Mandatario a saluda y combersa brevemente cu algun mucha y a evalua e instalacionnan. Cedric de Cuba, vice Presidente di Rockets hunto cu su directiva a splica cu normalmente nan ta maneha e situacion riba nan mes pero ta yega un momento cu nan no por mas y mester di un ayudo chikito. Tin dos aspecto cu ta hunga un rol dicon wega no por tuma luga riba e veld, cu ta falta di conexion riba coriente y dak pa tribuna. Ya caba directiva a haci e averiguacionnan pa conexion di coriente y e compania di utilidad mester instala un box nobo cu ta costa basta placa. Algo cu e organisacion no ta dispone di dje. A sugeri na e mandatario pa averigua si no por saca un conexion di coriente, for di un poste di luz cu ta cerca di e bar y cushina. “Sin e coriente nos no por organisa ningun campeonato, pasobra e bar y cushina mester di esaki. Pero tambe e tribuna cu dak pasobra solo ta core cu e hendenan,“ de Cuba a expresa. Ta e falta di coriente pero tambe un tribuna cu dak ta motibo cu no por uza e veld pa wega sino solamente pa training. Tin mas o menos 80 mucha di 5 pa 14 aña cu ta haci uzo di e veld di Rockets pa nan training, ademas di esnan cu ta hunga baseball den categoria adulto. Miembronan di team BoBario cu tabata presente a tuma nota di e principal necesidadnan aki y tambe un limpiesa di veld, pa logra cu por cuminsa uza e facilidad aki mas lihe posibel. E directiva a expresa cu nan ta masha contento cu Prome Minister Eman a bishita nan y principalmente a priminti di mira con por haci cierto movecion cerca instancianan di sector priva cu por duna un man na bienestar di e muchanan.

gallery1 gallery1  

Comentarionan (3)Add Comment
Trudy Larmonie
January 11, 2013
67.23.232.242
Votes: +0
...

Danki Minister President pa saca un man pa nos muchanan. Como mama mi ta masha contento cu e atencion di boso Gobierno. E acuerdo firma cu ta duna e clubnan un reduccion di 50% riba 1000 kilowatt uur gebruik di coriente ta mustra cu bo tin deporte na curason. Mi no kier critica otronan pero mustra cu loke bo ta haciendo ta noble, pasobra bo por a keda sin hacie tambe.

Ambrosio Lacle
January 11, 2013
67.23.232.242
Votes: +0
...

Ami no por compronde. Con por ta posibel cu Mike ta logra hasta move sector priva pa duna un man cu proyecto den Barionan y Nel y MEP nunca a logra esaki. Kisas debi na nan arogancia. MIke, bo ta un shon di hende. Pabien. Sigui asina y bo ta keda goberna te ora no retira di politica.

Ambrosio Lacle
January 11, 2013
67.23.232.242
Votes: +0
...

Muchanan, mira esey ta un mandatario cu ta motiva pa yuda y no ta importa di cual bario boso ta. Ban sigui Minpres, sigui asina.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter