Thursday, 30 October 2014
Gobierno: Acuerdo di huur entre gobierno y SOGA den caso di hospital ta pa un periodo di 29 aña Print E-mail
Thursday, 10 January 2013 20:04

demeza acuerdo

Diaranson pa 7’or di anochi Parlamento di Aruba a vota na fabor di un cambio di ley pa asina gobierno por firma un acuerdo (huurovereenkomst) cu SOGA cu ta e fundacion cu ta bay guia y financia henter e proyecto di renobacion y expansion di dr. Horacio Oduber Hospitaal.

E ley aki a keda aproba cu 14 voto na fabor y 4 contra. Un amienda di fraccion di AVP cu ta regarda e mesun topico aki tambe a keda aproba. Minister de Meza a splica cu e acuerdo di huur entre gobierno y SOGA ta bay ta uno di 29 aña. Stichting Onroerend Goed Aruba ‘SOGA’ ta existi algun aña caba. Gobierno aki y esun anterior a haci diferente proyecto caba cu e fundacion aki. “Despues di a haci un analisis profundo con financia un proyecto asina grandi di casi 300 miyon florin a yega na e conclusion cu no ta facil pa gobierno riba su mes, for di su finanzas publico saca e cantidad di placa aki pa financia proyectonan grandi asina. Mescos ta e caso tambe pa e proyectonan Green Corridor y mudamento di APA pa Barcadera. No por saca e placa aki di begroting pasobra e ta bay pisa den un forma desproporcional riba presupuesto di Aruba”. De Meza a splica cu esaki ta motibo pakico Gabinete Mike Eman a bin cu diferente posibilidad. Un di nan ta e sistema PPP (Public Private Partnership) cu ta bay wordo uza den caso di Green Corridor y mudamento di waf. “Por mira e proyecto entre gobierno y SOGA den caso di renobacion y expansion di hospital tambe como un PPP caminda Stichting Ziekenverpleging Aruba mester percura pa maneha hospital. E huurovereenkomst ta entre gobierno di Aruba y SOGA pa e duracion di 29 aña y SZA ta haya e edificio den ‘bruikleen’ pa exploita e operacion di hospital”. E proyecto aki no ta encera solamente e parti fisico di hospital, pero tambe hopi otro cambio riba diferente tereno cu ta necesario, manera un miho calidad di cuido, un SpoedEisende Hulp cu ta miho ekipa pa por brinda miho asistencia, acomodacion di specialistanan y mucho mas. E proyecto ta uno hopi bon pensa y hinca den otro y ora e ta cla, Aruba tin un hospital moderno cu tur facilidad cu e tin mester.

Comentarionan (3)Add Comment
Trudy Larmonie
January 11, 2013
67.23.232.242
Votes: +0
...

Ta trata aki di un stichting y no tin comerciante den dje. Ki bo kiermen cu "bo dianan ta conta? Acaso bo no sa cu AVP ta bolbe bay gana eleccion?

Ambrosio Lacle
January 11, 2013
67.23.232.242
Votes: +0
...

Entrega na ken? Esaki ta e miho formula. Ta nos hendenan mester sinja con pa haci miho uza y eficiente di nos facilidad.

trankilo Mike, bo dianan ta conta
January 11, 2013
67.23.232.242
Votes: +0
...

sigi fia of huur (verkapt fia).
wak e documentario: "South of the Border" di Oliver Stone.

Esnan cu bo debe of fia for di nan of huur for di nan,
LO EXIHI pa bo paga nan cu WEB, ELMAR, SETAR.

PATRIMONIO di ARUBA lo wordo entrega dor di MEP y awor tambe AVP.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter