| Gobierno: Prome Minister Eman a celebra hunto cu Sra. Juliana Viola Dijkhoff-Kelly su di 100 aña |
 |
 |
| Thursday, 10 January 2013 20:18 |
|
Un siglo riba e mundo aki no por ni mag pasa bay sin mas. Ta masha poco hende ta logra esaki. Rondona pa yiu, nieto, bisanieto, tataranieto, famia, amigo y conocirnan Sra.Juliana Viola Dijkhoff-Kelly, sinta den e sala, a celebra en grande su fecha natal. E ambiente tabata festivo den cas di anciano Michael Paviljoen na unda a decora un espacio cu blaas y un bunita mesa di bolo. Prome cu a cuminsa cu e fiesta di cumpleaños a haci oracion sigui pa musica y canto. Prome Minister Mike Eman y señora Doina tambe a yega na Paviljoen pa felicita Sra.Dijkhoff. Eman a bisa e famia cu mester ta gradici na nos Creador pa tin nan mama ainda cu nan. E edad bunita ta un regalo special cu mester wordo aprecia. E mes ta sinti tur dia falta di su mama cu ya no tey mas. “Mi ta sinti mi honra di por ta parti di e celebracion aki”. Tur presente a brinda cu Prome Minister riba salud di sra. Dijkhoff. Sra.Juliana Dijkhoff-Kelly ta mama di 11 yiu, wela di 26 nieto, bisawela di 32 bisanieto y tatarawela di 7. Un señora bendiciona.
|
Mustra/Kita e formulario di comentario
