Prome Minister a keda gratamente impresiona cu e beyesa natural di Seroe Alejandro y bicindario; particularmente awo cu den su maximo splendor dor di abundancia di awa cu a cay den ultimo dianan. Pesey mes tabata sumamente agradabel e oportunidad cu e mandatario a haya di recore un cunucu riba invitacion di Carlos Rasmijn miho conoci como ‘Chai’.

Un figura conoci y stima den e bario, Sr. Rasmijn a cumpra e tereno grandi mas cu 20 aña pasa for di famia van der Linden. Aki e tin varios mata di fruta y berdura manera calbas y mango, varios cacho ta hacie compania y un moda di biba masha humilde, pero na mesun momento trankil y dushi. Chai a mustra Prome Minister Mike Eman rond di su propiedad, incluyendo e diferente regenbak y pos cu el a percura p’e y cu sigur, ta duna tur e awa cu e tin mester di dje, henter aña largo. Ambos a combersa riba e trabou den campo y tambe di e bario riba su mes. E posibilidad di un molina di biento pa su propiedad tambe a bin dilanti y esey ta algo cu lo bay traha riba dje, entre otro facilidadnan cu Departamento di Santa Rosa ta ofrece na tur cunukero di Aruba.

Comentarionan (2)

Mustra/Kita comentarionan

...

Nan a bay riba sero tambe ora a bira "scurito"?

Scur , January 11, 2013

• 
• +0
• 
• 

...

Scur mester por sa di kico e ta papia. Con ta nos...

Daniel Wester , January 11, 2013

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi