Tuesday, 02 September 2014
Premier Eman: Gobierno ta motiva pa yuda organisacion di baseball Rockets Print E-mail
Thursday, 10 January 2013 21:26

Rockets Organization

Gobierno kier pa hobennan cu ta lanta awendia na Aruba, ta haci esaki di un forma sano. Pa e motibo aki ta yuda organisacionnan deportivo cu ta forma un parti importante di maneho di Gabinete Mike Eman.

Prome Minister di Aruba Mike Eman, a keda preocupa ora cu el a scucha for di directiva di Rockets Organization e problemanan cu nan tin pa haya coriente, dugoutnan cu ta yena cu awa, ausencia di publico (cu ta demotivante pa e muchanan) debi cu no tin tribuna cu dak. Na final di un splicacion di tur loke ta wordo haci pa e cantidad grandi di muchanan (rond di 80) cu ta practica baseball riba e tereno aki, e mandatario a bisa cu Gobierno pa e motibo ey ta motiva pa yuda e organisacion. “E recuerdo di esnan grandi den baseball cu a hunga riba e veld ta trece cune un compromiso di nos banda y esey ta pa yuda esnan cu ta purba di lanta e veld di Rockets bek,” e mandatario a indica. Ya caba e organisacion a haci basta trabou riba e tereno pero e recursonan a yega nan limite y door cu no por organisa torneo pa haya mas fondo, nan a keda pega. Aunke cu Gobierno no tin hopi recurso financiero, cu cooperacion di comunidad ta logrando haci basta trabou. Eman a referi por ehempel cu Gobierno ta duna su aporte unda cu e por, for di fondonan disponibel, pero hopi biaha empresanan grandi di Aruba ta duna un aporte den e sentido di comunitarismo pa cu e pueblo di Aruba. “Asina nos a logra drecha basta cancha deportivo pa e muchanan tin un luga adecuado pa hunga. Veld di Rockets ta un di e siguientenan cu nos a bay duna hopi atencion na dje awor.” Den un pasado recien a saca un man pa veld di Calabas y Ayo y ta trahando awor cu Veld di Universal, San Nicolas, etc. Prome Minister Eman a indica e importancia cu deporte tin den bida diario di un mucha y cu ta e motibo pa cual e ta hunga un rol importante tambe den maneho di su Gobierno. “Pa nos e parti di recreo pa e muchanan por hunga ta hopi importante. Na momento cu nan ta riba veld, nan no ta riba caya. Pesey tambe Gobierno a tuma e iniciativa pa baha e prijs di coriente, cu ta un yudansa hopi grandi pa deporte wordo practica.” Gobierno ta hayando ayudo importante den e maneho di deporte den barionan for di por ehempel ex miembro di Grandes Ligas Eugene Kingsale, David Abdul, kende ta hibando Pannabol den barionan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter