Tuesday, 25 November 2014
Minister Michelle Hooyboer Winklaar ta sostene e campaña y workshop di I Love My Body Print E-mail
Thursday, 10 January 2013 21:27
Comparti

front

Minister di Asuntonan Economico, Asuntonan Social y Cultura ta sostene completamente e gran campaña cu ta acaparando atencion tanto di hoben como adulto, esta esun di I Love M Body. Esaki ta e di tres aña caba cu e campaña aki ta andando, cu ta uno completamente dirigi pa nos hobennan, specialmente den e temporada di Carnaval, cu ta conoci como e periodo di mas halto di embaraso hubenil.

E mandatario ta contento con e desaroyo ta bayendo, mirando e gran esfuerso y trabou cu e team completo ta haciendo pa trece conscientisacion total cerca tur nos hobennan. Aruba a conoce su piek di embaraso hubenil na aña 2000, unda cu tabatin 179 caso di embaraso hubenil registra. E bon noticia ta cu nos ta mirando cu esaki ta bahando. Si compara aña 2011 unda cu tabatin 153 caso, na aña 2012 Aruba a conoce un total di 143 caso, pues un total di 10 caso menos. “Esaki no kiermen cu nos tin cu duna otro un schouderklopje, y pensa cu trabou a caba, ya cu e ta keda alarmante pa tin caso di embaraso hubenil y di "muchanan" di edad jon, pero si mester balora e gran trabou cu e team ta bin ta haciendo, ya cu e mensahe ta yegando unda cu e mester yega.” Un punto importante cu e mandatario a menciona ta, cu ta bon pa nos compara Aruba cu e paisnan den region, pero e cifranan cu nan tin ta di 1998, pues nan ta buscando e manera awo pa busca datos official mas recien cu e paisnan desaroya, pa nos haya sa kico nan ta haciendo cu e problematica aki. Evelyn Yarzagaray Ras, directora di Famia Planea a indica cu na Aruba ainda e topico di sexualidad ta manera taboo na cas. Hopi biaha e muchanan ta duna di conoce cu nan no ta combersa mes di e topico aki na cas y esey mester cambia, specialmente si mira cuanto informacion un hoben of mucha por haya riba internet. E cultura di alcohol, specialmente den e temporada di Carnaval ta hopi mas grandi y nos como adulto mester keda e ehempel. Sexualidad no ta solamente e parti di sex, sino tambe e forma di bisti como tambe di baila, cu nos ta inculca desde chikito cerca nos muchanan. “E trabou cu e team aki ta bin ta haci no ta solamente durante e temporada di Carnaval, sino henter aña. E workshop na e scolnan y e informacion comparti cu e mayornan ta demostrando nan fruto. Mi ta haci un apelacion na tur hende, pa durante e temporada di Carnaval, yuda pa vigila nos hobennan. No tin e pensamento cu no ta mi asunto, pasobra di e forma ey nos no ta yudando nos hobennan. E presion di alcohol y droga ta hopi grandi y nos hobennan mester wordo guia pa tuma decision corecto. Tampoco por tolera cu apesar cu nos tur ta trahando pa reduci casonan di embaraso hubenil of uso di droga y alcohol, cu tin adultonan cu ta mandando un otro mensahe cu tur cos por, ta temporada di carnaval, dus ban gosa sin limite. Esaki ta contradici completamente e trabou preventivo cu ta hasiendo riba e tereno aki, y tambe e norma y balornan cu nos kier pa nos hobenan carga," e mandatario a bisa. Monique Labadie di Wit Gele Kruis a señala cu “ Na 2012 tabatin 5 caso di hoben di 5de klas cu a haya yiu, pues mester cuminsa pensa pa traha riba e edadnan hopi mas jong. Ta bon pa ekipa nos hobennan cu tur informacion desde cu nan cuminsa drenta e fase di pubertad. Haya yiu na un edad asina jong, ta trece hopi problema, no solamente pa e baby, pero tambe p’e mama. Mester agrega cu 90% di e casonan di embaraso hubenil, ta ora cu e hobennan a uza marihuana y alcohol, pues nan a sali na estado bou di influencia y mas cu claro esey lo trece complicacion tanto p’e baby como e mama”. Minister ta contento cu e aña aki e workshop lo ta uno mas interactivo y unda cu lo tin 3 studiante hoben di EPI presente, ya cu e lo bira uno di hoben pa hoben. P’esey mes e ta haci un apelacion na tur scol, instancia of fundacion cu ta traha cu hoben, pa nan bin na remarca pa e charlanan aki, ya cu e miho manera ta keda pa preveni y e parti di conscientisacion ta esun cu mester tuma luga prome cu tur cos.

gallery1 gallery1 gallery1
gallery1 gallery1 gallery1
gallery1 gallery1  

Comparti
Comentarionan (2)Add Comment
dora
January 20, 2013
80.56.152.211
Votes: +0
...

sexualidad ta di tur edad lastima mente cu cada anja nan ta cuminsa mas trempan di ta sexualmente activo esey si.Si boso kier drecha e cuenta pakico SKOA ta prohibi cierto topico den klas. No warda e hoben yega scol secundario pa dune informacion paso no ta berdad cu den vijfde hopi biaha nan ta haya nan regla? No ta e ora ey bo por cuminsa papia cu nan sino mas prome tambe? E problema ta cu nos gusta bisa algo postivo siendo otro banda tin instancianan ta kibra e concepto di informacion. sex ta algo di henter anja no Carnaval so. ban ta serio mensen nos love nos body henter anja!!

The Observer
January 13, 2013
67.23.232.242
Votes: +0
...

Ta facil pa "hoben" bisa cu e no tawata tin informashon necesario pa preveni mal resultado y naturalmente dificil pa e admiti cu e tawata sa kiko ta kiko pero simplemente ta escohe pa hasi malo. No tin diferencia entre "hoben" y esnan cu ya no ta hoben. E ta un cuestion di principio moral cu comunidad den su totalidad ta encurasha of desencursha. Si bo tende vacabulario y tema di combersashon y insinuashon di esnan cu lo mester ta ehempel pa "hobennan", bo por saca un mihor conclushon ta unda e problema ta sinta....Laga nos no grawata e problema riba su lomba.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter