Saturday, 25 October 2014
Yvette Geerman: Lo enfoka riba e salud di hende y cu e pueblo carnavalesco por ta sigur cu e cuminda ta di bon calidad Print E-mail
Friday, 11 January 2013 11:06
DSC_2063
Yvette Geerman hefe interino encarga cu maneho di Higienische Dienst den un entrevista a splica un tiki riba e controlnan cu lo bai tin cu e benta di cuminda durante e temporada di carnaval.  Nan tin un rol importante. Ya caba Higienische Dienst tabata tin reunion cu SAC.

Nan lo hiba control cu e benta di cuminda y e proceso cu esaki ta tuma lugar. E carchi berde di e declaracion di salud lo wordo controla. Yvette Geerman a splica cu e controlnan lo ta on the spot. Nan tin e programa di SAC y caminda tin bendemento di cuminda y bebida e departamento di  Higienische Dienst lo tey presente. Nan lo controla esakinan. Ivette Geerman a splica cu nan no kier perhudica ningun hende of negoshi. Nan ta enfoka riba e salud di hende y cu e pueblo carnavalesco por ta sigur cu e cuminda ta di bon calidad. Kier evita cu hendenan ta bira malo y haya malesa desagradable. Higienische Dienst kier evita cu cosnan por pasa. Ya caba DIP lo saca e nombernan di esnan cu lo bai bende. Higienische Dienst lo palabra cu DIP pa asina tuma contacto cu nan y mustranan riba e exigencianan di Salubridad Publico. E departamento huridico lo traha riba e permiso pa e hendenan bende. Den e mesun dunamento di permiso lo mustra hopi cla e exigencianan di e departamento di  Higiena. Esnan cu ta bende cuminda mester evita cu esaki ta wordo poni den solo y causa danjo na e cuminda. No por expone e cuminda oranan largo den solo durante e temporada di carnaval. Tur esnan cu ta bende cuminda mester tin nan declaracion di salud na ordo. E tin exigencia pa procesa esaki. E dura un siman pa keda cla cu e declaracion. Tur actividad e departamento di higiena lo controla. Por yama pa mas informacion na 5224200 y pidi pa e departamento di higiena.  Tur e hendenan cu ta bende riba e ruta cu garoshi etc tambe lo wordo controla. Si nan no cumpli lo saca garoshi for di e ruta. Por confisca e cuminda tambe sit a necesario. Yvette Geerman a splica cu esnan cu ta bende durante e temporada di carnaval e carchi berde mester ta visible. Solamente e cahera no mester carchi berde.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter