Tuesday, 02 September 2014
Indra Zaandam di FPNA: Prijs di entrada den parke ta subi pa turista den fase y lo baha pa localnan Print E-mail
Friday, 11 January 2013 11:09
DSC_2063
Na Parke Nacional Arikok tabata tin un confernecia di prensa caminda cu a anuncia cierto cambio entre otro strategia di cambio di prijs di entrada na parke.

Entrante January tin cambio den prijs cu ta conta pa e turista. E turistanan cu tabata paga 8 dollar awor mester paga 10 dollar. Esakinan ta pa e walking tourist. Aki dos anja na 2015 lo aumenta esaki te na 15 dollar pa turista. Pa tour operatornan tambe tin aumento den fase. E ta seis dollar awor aki den 2013 y na July 2013 e lo bira 7 dollar. Na 2014 na January lo aumenta pa 8 dollar y na January e lo bira 9,50 dollar. E tin motibo pakiko esaki ta bai den fase y ta duna espacio pa cada ken haci nan ahuste. Tin descuento tambe pa esnan cu ta cumpra den pakete. E operadornan cu ta cumpra cinco mil ticket tambe ta haya descuento. Tur stakeholders por pasa den e fase pa haci nan cambionan. E prijs di entrada a baha pa esnan local di 8 florin pa 5 florin. Ta algo importante pasobra kier stimula e presencia di nos localnan den parke. Esnan te cu 17 anja no ta paga pa drenta parke y aki tambe kier stimula pa muchanan drenta parke. Scolnan lo drenta gratis ora nan bishita. Scol tin cultura y hopi historia y pesey muchanan por sinja hopi. Indra Zaandam a splica cu tin e di tres categoria tambe. Kier stimula entrepreneur ship tambe. Pa trahadornan companianan por haya un yearpass cu ta costa 20 florin. Tin esun special pa famia di tres por ehempel cu mester paga 84 florin pero ta paga 55 florin pa e pakete di tres.

Tambe tin e pakete pa bida largo y esaki ta bai a base di un donacion si un hende kier duna algo mas. Como parke kier sigui stimula y conserva e naturaleza. Pa anja 2013 kier sigui monitorea parke y pa haci esaki mester di fondo. Workshopnan educativo tambe ta importante. Parke kier organiza mas workshop. Parke Nacional tin tambe anochinan di cine caminda tin documentarionan cu ta wordo presenta. E junior ranger park camp ta algo cu nan kier sigui cune den 2013 mirando e exito den 2012. E cantidad di turista tabata mas cu e localnan cu a drenta parke. Asina mes nan tin nan pool di hende local cu ta drenta parke. E deportistanan tambe ta haya descuento segun Indra Zaandam. Te ainda nan ta wordo subsidia. E fondonan cu nan ta haya na entrada ta duna nan mas forza pa ehecuta proyectonan. E condicion di parke tambe ta algo cu Indra Zaandam a comenta riba dje. El a splica cu e condicion ta bon pero e researchnan ta keda algo importante pa tuma lugar tambe. E interes pa parke ta importante. Nan kier amplia e productonan cu parke nacional ta ofrece. Nan kier identifica loke cu tin den parke y mustra cada bishitante e cantidad di naturaleza cu tin.

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter