Wednesday, 22 October 2014
Benihana preparando pa habri Print E-mail
Friday, 11 January 2013 15:45
DSC_2063
E apertura tan anticipa di Benihana ta riba e horizonte, ya cu e construccion di e  restaurant na South Beach Center ta kedando cla.  

Pa esnan drentando Palm Beach for di e caminda grandi di Sasaki, e borchi ta bisa tur cos: Benihana, e Steakhouse Hapones popular cu ta sirbi faboritonan Mericano manera prime sirloin, galiña y cuminda di lama, ta habriendo den su ubicacion nobo y moderno, honrando recetanan Hapones cu ta 1,000 aña bieu.  

Mientras cu bishitantenan di Benihana tradicionalmente ta rondona e mesanan di Hibachi cu sonrisanan y excitacion, e chefnan ta presenta un show rapido y impresionante, creando platonan oriental exquisito cu nan cuchiunan sumamente skerpi, cortando y cushinando un menu grandi di platonan cu lo pone bo boca yena cu awa.  

Si bo a yega di bishita Benihana, bo sa caba, e ta un spectaculo inolvidabel pa hende di tur edad.  

Turistanan y hendenan local ta invita pa experiencia e show di cuminda mas bieu na mundo, na e  Benihana nobo, rondonando e mesanan di Hibachi y na e Bar di Sushi, cu luganan pa sinta paden y riba un terras den aire liber.  

Diseña pa Inarch NV, y architecto Carlos Profet, e restaurant tambe ta conta cu un sala di come priva, un bar elegante cu stulnan paden y pafo, un sala di espera di alta estilo y bañonan elegante.  

Director Gerente Morris Figaroa ta raporta cu e restaurant den su ubicacion actual ta mas grandi, y ta disfruta di un cushina y facilidadnan di “back-of-the-house” mas espacioso.  

Despues di a habri pa prome biaha na Aruba riba Sasakiweg na 1996, Benihana a muda pa Palm Beach 6 aña pasa. Recientemente el a muda pa pas den e perfil corporativo nobo, pa asina tambe ofrece comemento den aire liber. Aruba su Benihana nobo y mehora ta e prototipo pa e cadena internacional di restaurant, disfrutando di un imagen mas elegante y contemporaneo.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter