Friday, 31 October 2014
PwC ta celebra yegada di 2013 cu cliente, amigo y empleadonan Print E-mail
Friday, 11 January 2013 15:48
DSC_2063
“Nos a kibra un tradicion di mas di 20 aña, esta pa enbez di nos celebra fin di aña dia 31 di december, nos a organisa un fiesta di aña nobo dia 3 di januari”, asina Edsel Lopez, encarga cu maneho di PriceWaterhouseCoopers na Aruba, Boneiro, Corsou y Sint Maarten a duna di conoce.
Diahuebs anochi PwC a celebra e comienso di 2013 cu un brindis pa su cliente, amigo y empleadonan, unda a comparti desaroyonan di e compania y expectativa pa e aña nobo cu invitadonan.

Edsel Lopez a tira un bista riba e aña cu a pasa, durante cua PwC a organisa un Student Night bon atendi pa motiva hobennan pa scoge un estudio den e ramo specialisa di, entre otro accountancy of impuesto pa provee un continuidad entre nos hendenan local den e profesionnan aki. Tambe PwC a introduci un “Latin America Desk” cual lo wordo promovi mas durante 2013 y a añadi cu e oficina di PwC lo wordo renoba e aña aki tambe. E partner di PwC a tuma un momento pa reconoce Lorena Maduro y Hans Ruiter pa nan, respectivamente, 25 y 15 aña di servicio na PwC. E celebracion di tanto aña di experiencia y crecemento di nos hendenan local den PwC ta muestra cu nos hendenan local por logra y asumi posicionnan den companianan internacional manera PwC, el a añadi.

E aña aki PwC Dutch Caribbean tin hopi di celebra, como cu e compania ta cumpli 75 aña operando den Caribe Hulandes y e 65 aniversario di PwC su oficina na Aruba. Esaki ta bin den un aña nobo cual lo bin cu su obstaculonan y oportunidadnan durante cual cada reto ta trece hendenan hunto y cada exito ta haci nan mas fuerte, Edsel Lopez a bisa. "E aña aki tambe PwC por asisti bo den haci 2013 e aña cu bo ta converti bo retonan den oportunidadnan cu ta crea balor," Sr. Lopez a expresa.

E ehecutivo ta di opinion cu manera tur aña 2013 tambe ta bin cu su retonan y obstaculonan, pero cu tur hende mester probecha di e cosnan bon cu ta bin riba nan caminda y desaroya esakinan den logronan. El a subraya cu PwC por yuda hopi di su clientenan como tambe futuro clientenan pa yega un stap mas leu den crea nan logronan den negoshi na Aruba.

"Mi ta kere si cu manera Banco Central a pronostica lo ta bay tin crecemento di nos economia," Sr. Lopez a expresa. E crecemento aki ta trece cun'e oportunidadnan nobo y tur hende mester realisa cu Aruba no ta un isla chikito, pero ta parti di un comunidad global y negoshinan y organisacionnan mester anticipa cambionan lihe y reacciona lihe riba nan. Como pais y compania mester crece hunto cu e cambionan, Sr. Lopez a conclui.

Prome di efectua e tradicional brindis anual, Sr. Lopez a conclui su discurso di aña nobo cu un dicho di Machiavelli: "Tur curso di accion tin risico, prudencia no ta den evita peligro - esaki ta imposibel, pero calcula risico y actua na un forma decisivo. Haci eror pa via di ambicion y no erornan di pereza. Desaroya e forsa pa haci cosnan audaz, no e forsa pa sufri."

dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter