Wednesday, 27 August 2014
Arkitecto Serge Theysen, Arkitecto di facilidad multi-funcional di Savaneta: Hopi Entusiasma cu Reconocimento como Profesional Hoben di Savaneta Print E-mail
Friday, 11 January 2013 17:36

front20130111 Architecto Serge Theysen Arkitecto di facilidad IMG 3068

Cu e idea su tras pa trece un facilidad mas efectivo pa e personal, mas comodo pa e clientenan y mas multifacetico pa henter e comunidad, Gabinete Mike Eman ta preparando pa den e prome semester di e aña aki cuminsa cu e construccion di Facilidadnan Multi-Funcional cu lo bin pa reemplasa e Hulpbestuurskantoornan cu ta conoce actualmente. Diahuebs ultimo personal di e oficina auxiliar na Savaneta a haya un presentacion cu tabata den man di Prome Minister Mike Eman,

como tambe e arkitecto encarga cu e FMF di Savaneta, Serge Thijzen. E idea ta pa proximo aña tur cinco Facilidad Multi Funcional lo ta cla. Caminda cu tabata posibel, gobierno a purba di trahe e FMF nobo na e mesun tereno cu e HBK. Den e caso di Savaneta, esey no tabata posibel, pesey e Facilidad Multi Funcional di e districto aki lo re aloca pa un tereno mas grandi ubica patras di e stacion di gasolin di Valero. Otro aspecto cu gobierno a pone enfasis riba dje ta pa cada FMF refleha e identidad di e bario caminda e ta. Dor di esey, Gabinete Mike Eman a acerca arkitecto Serge Thijzen cu a nace, lanta y biba den Savaneta pa diseña e edificio. Den e caso di Savaneta, e arkitecto a inspira den lama, piscamento. Thijzen ta forma parti di e compania di arkitectura Thijzen Engineering Consultancy. Durante un encuentro cu prensa, y despues di a duna su presentacion na e personal di e HBK, e arkitecto a splica cu e ta sintie hopi orguyoso cu Gobierno a scoge nan pa realisa e proyecto innovativo y creativo; un proyecto cu hopi exigencia pero cu nan a logra cumpli cu tur. Ademas di fungi como sede pa e servicionan di custumber manera documentonan di Censo y pago di recibonan di utilidad y SIAD, lo bin oficinanan adicional di gobierno pa amplia e gama di servicio brinda na e ciudadano di e bario. Otro aspecto importante encarga na e arkitecto tabata pa e edificio ta auto suficiente. “Gobierno kier pa e ta un lugar sostenibel,” Thijzen a indica. Nan a logra esey dor di aplica den e diseño sistemanan di generacion di energia alternativo, reciclahe di awa y construccion cu material di avance tecnologico. Durante e presentacion na empleadonan di HBK Savaneta a papia di palapa of gazebonan rond di e edificio cu lo tin funcion dobel como base pa panelnan solar cu lo genera e electricidad cu e edificio mester. Tambe lo tuma e awa cu e sistema di airco ta produci y recicla esaki pa muhamento di mata, pero tambe pa bolbe fria e facilidad. Por ultimo, y hopi interesante, tin intencion pa uza un bloki nobo cu ta percura pa wanta e cayente pafo di e edificio, loke tambe lo baha e consumo di electricidad pa hacie fresco paden. E arkitecto a bisa cu “E mantencion lo ta hopi mas abou di loke mester.” Otro aspectonan cu tambe a tene cuenta ora di diseña e FMF di Savaneta tabata pa e edificio ta visibel y atractivo pa esnan cu ta riba e caminda grandi. E facilidad lo tin suficiente areanan berde cu e comunidad por haci uso di nan ki ora cu nan kier, como tambe un parkeerplaats espacioso y acceso facil pa esnan cu incapacidad of limitacion fisico. Finalmente, y despues di a consulta cu e clientenan di e HBK mes y tambe hobennan di e bario, a inclui den e proyecto espacionan destina pa reunion cu lo ta na disposicion di organisacion y clubnan local, escenario pa presentacionnan publico como tambe un biblioteca digital y luga caminda hobennan por siña y haci les. E vision di Gabinete Mike Eman ta pa e Facilidadnan Mutil Funcional bira un punto di servicio, pero tambe di encuentro y convivencia pa e bario.

album album  

Comentarionan (2)Add Comment
Roffa 010
January 13, 2013
67.23.232.242
Votes: +0
...

Hehehe porfin algo bon pa nos bario de Savaneta. Te awor nan a realisa cu Savaneta tambe ta existi....Con cu bai bin...Mike a hasi algo pa nos bario.....Thnx..

glenn1979
January 12, 2013
67.23.232.242
Votes: -1
...

e 3d render ta blaaaahhhh

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter