Wednesday, 16 April 2014
GKMB a aumenta nan alerta debi na yobidanan adicional Print E-mail
Friday, 11 January 2013 21:21

front

Mirando e situacion cu Aruba a confronta despues di temporada di horcan, caminda tabatin basta yobida tanto na final di aña como na inicio di 2013, Departamento di Gele Koorts Muskietenbestrijding (GKMB) a aumenta nan actividadnan, debi na riesgonan cu e yobida ta trece cune.

Den combersacion cu Roque Dirksz, director di e departamento, el a splica cu tin cierto areglonan standard cu ta ehecuta, manera ta controla e santana, negoshinan di tire, etc. Pues tur area caminda por tin acumulacion di awa. Casnan normalmente ta wordo controla durante aña caba. El a bisa cu prome cu cuminsa den 2013 cu control di casnan, nan ta bay na e viviendanan unda cu tabatin indicacion caba di cierto iregularidad , cu a haya waarschuwing. E adresnan vulnerabel ta haya bishita na inicio di aña. Tambe nan tin cla un propaganda di 30 seconde cu ta cla pa bay radio y television cu ta papia di combatimento di e sangura cu ta causa Dengue. E campaña di media ta concentra pa conscientisa e pueblo riba loke nan ta considera criadero di e sangura di dengue. Di e manera aki e hendenan ta haya idea kico mester busca pa evita. Ta menciona por ehempel un juguete bira cu por wanta awa y foamboxnan di cuminda. Loke nan a constata tambe ta cu hopi hende ta warda awa di yobida. Na un cas cu a bay controla recientemente a topa cu 11 drum di awa, cu ta wordo uza pa muha mata. Pesey ta pidi e ciudadanonan pa tuma contacto cu GKMB pa bin basha un insecticida special cu nan a caba di haya pa tira den e awa y toch e lo no afecta e matanan. Insecticida ta dura dos luna pa disolve. Otro solucion pa evita cu sangura ta pone webo den e drum, ta pidi pa nan tapa nan of basha kerosin cu ta keda flota na superficie. GKMB ta traha cuater sorto di ekipo of material, segun Dirksz a splica, pa loke ta combatimento di e sangura cu ta causa Dengue. Nan tin loke ta wordo considera ekipo pisa, cu ta pa brotenan of epidemia, manera a tuma luga na november cu full Aruba ta wordo infecta cu sangura adulto. Den un situacion asina ta uza tur nan cuater autonan di spuit pa fumiga henter e isla. E ekiponan ta completamente geservice. Tambe e ekiponan di man pa spuit, cual aparatonan tin basta aña den uzo. Mirando e cantidad di aña cu nan tin di bida, e departamento ta evaluando seriamente pa cumpra aparato nobo. E aparatonan aki ta wordo uza pa fumiga rond di casnan. Tin pompnan di man pa spuit cu likido rond di cas, cu tambe lo wordo cumpra nobo. Y por ultimo tin e insecticida. Ademas di e aparatonan, ta sigui reglanan standard di PAHO, cual el a splica, ta bisa cu ora haya mas di 15 caso di dengue pa siman, ya caba ta cay den un situacion serio. Pesey GKMB ta forma parti tambe di un comision DOT (Dengue Outbreak Team) cu ta reuni tur siman. Hunto ta evalua cual paso mester wordo tuma. Tur esaki ta e strategia cu ta wordo sigui den caso di un brote. Durante e combersacion cu Roque Dirksz director di GKMB el a splica cu nan ta combati e larvanan pa cual nan ta uza Larvacide. Esaki ta pa wordo uza ora cu haya un criadero cu larvanan caba aden. Tambe pa e adultonan tin adultecide, cu ta wordo gespuit rond di cas of ora mester fumiga rond di Aruba. Y por ultimo nan tin un insecticida, pa prevencion, cu ta wordo tira den tire of den poz. El a apela pa tene e poznan cera. Awendia hasta ta uza pildonan special cu ta contene “two layer product”. Un layer ta realease e insecticida den e prome 60 seconde y otro layer ta keda efectivo pa dos luna largo. Tur nan insecticidanan ta wordo cambia despues di 8 luna, y ta controla pa esaki semper ta na ordo. E grado di exito di un campaña ta wordo midi a base di e casonan di dengue cu tabatin. Pa loke ta aña 2012 cu a caba di cera. Segun Roque Dirksz, tabatin como 1500 pa 1700 melding mientras cu na 2011 tabata tin mas cu 3700 melding. Pues el a baha cu mita loke ta nifica cu e strategianan cu ta wordo uza por wordo considera exitoso. E aña cu a pasa a pone hopi atencion na sector hotelero cu ta wordo bishita cuater biaha pa aña. Semper unda tin acumulacion di hende, ta haya extra atencion.

gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter