Thursday, 02 October 2014
Director di APA: Crea waf pa barconan turistico ta duna Aruba un forsa grandi Print E-mail
Friday, 11 January 2013 19:38

alfonso boekhoudt

Den un entrevista cu Alfonso Boekhoudt director di APA a puntre riba e trafico di containernan cu a pasa via e Puerto di Aruba durante 2012 y kico e estadisticanan ta. Prome cu aña a finalisa nan a pronostica caba un "slow down", pues un crecemento chikito en comparacion cu añanan anterior. Tur esaki basa riba tendencianan mundial. Pero tambe basa riba e pronostico di crecemento economico di Aruba y di e GDP. A pensa riba un crecemento di un poco mas cu 2%.

Durante aña 2012 a mira un fluctuacion grandi den e containernan cu ta wordo procesa. Na final di aña, e containernan pa mercado local a baha cu 0.5 porciento, mientras cu e containernan total cu a pasa via di haf di Aruba, incluyendo e transshipment pa otro hafnan, tabatin un crecemento chikito di 1%, pues un tiki menos cu e crecemento cu gerencia di haf a spera. Di otro banda, segun e director Alfonso Boekhoudt, e ta den cuadro di e tendencia mundial.

Ta normal cu ta mira un coralacion entre bo trafico di container y GDP di e pais, cual ta algo normal mundialmente. Pa stimula bo GDP no ta algo cu bo puerto por haci, pero tin mas bien di haber cu e produccion local di e economia. E crecemento di container pa Aruba ta totalmente defini door di importacion pa consumo local, of pa proyectonan di construccion. Pues ta dificil pa stimula mas importacion di container. Loke si por traha pa stimula ta riba e containernan cu ta pasa di transshipment via Aruba. E isla no ta conoci den e sector aki ainda. E ta varia pa aña rond di 100 box of 400 box. Esaki ta pone cu e trafico por subi. Otro caminda cu por stimjula mas fluho ta riba e containernan via di Free Zone. Aruba a yega di conoce añanan cu tabatin mas di 2 mil container di Free Zone pa aña. E aña cu a pasa e no tabata di

Procesamento di carga ta e principal trabou di waf, pa cual APA ta contento cu aña pasa a surpasa 27 mil TEU. Pa loke ta 2013, Boekhoudt ta bisa, mirando e proyeccionnan di GDP mundial y cu economia mundial lo bay expande, APA ta kere cu lo tin un crecemento atrobe, pero no basa riba e actividadnan economico di e isla. Pero e aña lo ta positivo.

Mester tene cuenta, e director a indica, di e rol cu Aruba por hunga den region. Nos ta cerca di Corsou, Boneiro, Colombia, Venezuela y e mercadonan ey tin nan mesun forma pa atende e fluho di trafico pa nan mercado. Pa Aruba hunga un rol den transshipment mester competi a base di prijs den e gastonan di transporte. Awor e gasto pa transporte pa Aruba ta hopi halto den region. E ta kere cu pa Aruba hunga un rol mester studia henter e industria cu ta cuminsa for di e transporte di e carga for di unda e ta bini te ora cu e yega su destino, wak con por baha e prijs.

APA ta premira cu den aña 2013 e actividadnan di carga lo crece, un crecemento modera den e parti crucero, otro crecemento (cu no a mira anteriormente) di dobel cifra. Ta sigui move riba e proyecto di Barcadera, pa cuminsa wordo realisa. E ora por cuminsa den e fase di plan pa desaroyo di waf di Oranjestad. E lo ta un empuhe grandi pa economia di Aruba si logra e empuhe grandi aki pa e parti crucero. APA semper a traha duro riba e tereno aki, pero ultimo añanan a mira un actitud hopi mas proactivo di parti di ATA pa aserca mundo crucero. Combinando forsa, ta logra un impacto mas grandi pa atrae e turismo crucero. Por ehempel ta atende reunionnan hunto y ta diseña strategianan hunto pa atrae mas barco.

Mundialmente tin un movecion di barco pa Caribe, cual tabata net na e momento oportuno pa APA combina forsa cu ATA. Asina a traha pa convence e barconan aki pa bin Aruba. E inversion y incentivonan duna ta poco si mira e impacto cu e barconan aki ta trece pa Aruba, segun Boekhoudt. El a splica cu Aruba riba su mes ta bende su mes, pero di otro banda industria crucero ta hopi sensitivo riba prijs. Pesey a pone incentivonan menciona. E pueblo tambe hopi consciente cu e forza di bende Aruba ta nos propio hendenan y e forma cu ta trata e turistanan bon. Aruba ta bunita, pero ta mas bunita door di e forma cu ta atende e turistanan. Esaki ta dos factor cu ta atrae e hendenan pa Aruba. "Nos mester keda mantene e pocision fuerte aki," Boekhoudt a duna di conoce.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter