| Cadena di Television ABC Boston a haci tremendo cobertura di nos isla cu colaboracion di ABC Tours |
 |
 |
| Thursday, 31 January 2013 10:05 | |||
 Gerencia y Personal di ABC Tours & Attractions ta sinti nan mes hopi honra despues cu nan a wordo escogi pa haci un recorido riba nos isla pa e cadena di Television di mas grandi di Boston, esta ABC Boston.
E team di ABC Boston tabata consisti di e producer Stam Leven, camarografo Bob Oliver y e anchor Anthony Everett kendenan a bishita atraccionnan manera Seroe di Arikok, Conchi y Natural Bridge. E ocasion aki tabata uno hopi special ya cu Anthony Everett a celebra 30 aña di existencia di su programa. Esaki sigur ta algo masha importante y no mucho comun. Ta trata akinan di un programa di television cu hopi trayectoria y sigur esaki tabata algo pa celebra y nan kier a celebr'e aki na Aruba y cu ABC Tours. Gabriel de Mey, Operations Manager di ABC Tours tabata tin e tarea di guia e comunicadornan pa asina nan por a haya un mihor bista di loke Aruba tin pa ofrece. Anthony Everett a probecha e oportunidad pa realiza un entrevista cu de Mey y e tabata tin hopi pregunta interesante tocante e paisahe y naturaleza di nos isla. ABC Tours kier expresa palabranan di agradecimento na tur esnan cu a coopera pa haci e recorido aki posible, specialmente na Jonathan Boekhoudt cu a forma parti di e crew. Esaki sigur ta un bunita cobertura pa nos isla caminda e nomber di Aruba lo sigui resona na nivel internacional tur esaki danki na e esfuerzo di companianan manera ABC Tours cu tin ya caba basta aña ofreciendo un servicio di calidad na nos bishitantenan.
|
Mustra/Kita e formulario di comentario
