| Sr. Romeo Rombley a despidi di e cuerpo di Aduana |
 |
 |
| Thursday, 31 January 2013 10:28 | ||||||
 Gerencia y demas coleganan di e Departamento di Aduana a tuma despedida di sr. Romeo Rombley, mirando cu sr. Rombley a bai disfruta di su vakantie pa despues e bai disfruta di su pensioen bon mereci entrante 14 di februari proximo.
Sr. Rombley a labora pa casi 37 aña na Douane, cu ta un tempo basta largo. Sr. Rombley a inicia su carera como “hulpkommies der belastingen” 16 di juni 1976. Despues cu ela sigui y a termina e curso di Kommies der belastingen 2de klasse exitosamente, ela wordo promovi pa e rango menciona prome di mei 1981. Aki ta sigui un relato di e promocionnan cu sr. Rombley a haya durante su trayectorio laboral na e Departamento di Aduana:
- 1 mei 1984 Kommies der belastingen 1ste klasse; - 1 juli 1990 Kommies der I&A 1ste klasse A; - 1 september 1993 Hoofdkommies der I&A; - 1 september 1997 Hoofdkommies der I&A 1ste klasse; - 1 juli 2001 Hoofdkommies der I&A 1ste klasse A
Sr. Rombley a labora na diferente seccion di douane manera seccion di Aeropuerto, Playa, Waf y pa ultimo ela labora den e funcion como “dienstleider” na seccion di douane na San Nicolas. Lokual ta di remarca ta cu sr. Rombley a mustra un dedicacion enorme pa cu su trabou mirando cu ela traha e ultimo 10 añanan sin bira malo Un danki tambe ta bai na su destiguida esposa pa e sosten grandi cu ela duna sr. Rombley durante tur e añanan di servicio den e Cuerpo di Aduana. Gerencia di e Departamento di Aduana y su coleganan, muy especial su coleganan di seccion San Nicolas a desea sr. Rombley hopi exito, salud y forsa den su bida nobo como penshonado y cu Dios bendicion’e ricamento. E Directora Operationeel sra. mr. Corinne Cabenda y e hefe di seccion San Nicolas sra. Patricia Flanders-Illis a gradici sr. Rombley den nomber di e Cuerpo di Aduana y Pais Aruba pa su dedicacion y contribucion grandi cu ela aporta durante su trayectorio laboral. Riba e potret bo por mira e coleganan di seccion di douane na San Nicolas cu a despidi di sr. Rombley y nan a entrege un bunita plakaat como regalo pa e keda recorda e Cuerpo di Aduana.
|
Mustra/Kita e formulario di comentario
