|
Entrega di plakaat na KPA door di Ex Alto Comisario di Polis |
 |
 |
|
Thursday, 31 January 2013 13:33 |
|
Riba diahuebs 31 di januari 2013, pa mas o menos 10:30 di mainta, sr. Roland Peterson, ex Alto Comisario di Polis, a entrega un plakaat na Cuerpo Policial Aruba. E plakaat aki ela entreg’e pa asina duna reconocemento na Cuerpo Polcial y na su miembronan cu ta traha incansablemente pa contrarresta crimen y cuida e comunidad.
Como ex polis y tambe e prome Alto Comisario di Cuerpo Policial Aruba semper el’a tene e cuerpo den su curazon y ta sigi apoya esaki di diferente manera. E plakaat a ser tuma cu hopi aprecio pa Comisario di Polis sra, Trudy Hassell, cu a accept’e den number di Alto Comisario, Sr. Adolfo Richardson. Presente na e ocasion tabata miembro di Aruba Hospitality & Security Foundation y algun miembro di Cuerpo Policial. Nan a presencia con e plakaat aki a ser pega riba edificio di Warda di San Nicolas, cu por cierto tambe ta e districto hopi yega na curason di sr. Peterson. Riba e fotonan adhunto por observa con e plakaat a ser entrega na Comisario Hassel y pega na muraya como un momentum di su aprecio pa e trabou di KPA.
 |
Mustra/Kita e formulario di comentario
