Wednesday, 03 September 2014
Mediador intermediando pa problema entre Gerencia y Seguridad di APA Print E-mail
Thursday, 31 January 2013 16:36
DSC_2063
Na APA e trahadornan trahando den seguridad ta basta rabia cu algu desaroyo. Te hasta e trahadornan a pidi cabez di nan hefe di seguridad e momentonan aki. Tin dos punto di atencion. Ya caba mediador y APA a reuni cu dos minister durante dia diahuebs.

Minister Mike de Meza y Minister Oduber ta altanto di e disgusto di e empleadonan. Mirando e email cu a wordo manda riba e preocupacion a pone Anselmo Pontilius mediador haci trabao di dje mesora. E trahadornan ta menaza di pone trabao abao den pleno presencia di barconan crusero mara den waf. Un di e puntonan cu e empleadonan ta kehando ta cu falta personal. Gerencia a busca un grupo di seguridad local pa reforza y traha e temporadanan druk di crusero. E trahadornan parce no ta copera pa traha overtime segun gerencia di APA y mester a busca algun hende di un compania. Di otro banda e trahadornan ta kere cu mester tuma hende vast. Gerencia ta sinti cu si busca e trahadornan vast anto den temporada abao no mester di nan. Usando un compania di seguridad priva por termina e contrato y asina sigui cu mesun personal den temporada abao. Esaki ta un di e puntonan. E otro ta e actitud di e hefe di seguridad encarga cu e trahadornan riba field. E manera cu e ta trata e trahadornan tin nan hopi rabia y hostina. Nan a ser cabez y bati na porta di e director. Nan no kier e hefe aki mas y te hasta a splica cu mester mande na un otro funcion. Algo cu sigur gerencia no por haci pasobra no tin otro funcion habri. Mientrastanto tin un hefe riba esun actual encarga cu e personal. E trahadornan lo ta prefera di deal cu e hefe aki y bypass e hefe actual. Tur esaki gerencia mester deal cune. Awor e problema a termina na mediador diahuebs atardi unda gerencia di APA y tambe sindicato STA cu nan shopstewartnan a bai mesa. Ta spera cu por sali for di e problema aki. Si berdad e actitud di e hefe ta asina malo pa cu e trahadornan kizas e mester cambia esaki. Kita un hefe pa duna e trahadornan nan kier ta algo cu sigur APA lo evalua hopi.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter