Monday, 01 September 2014
Minister Otmar Oduber a haci entrega di 4 auto pa unidad di K-9 di Cuerpo Policial Danki na contribucion di TPEF Print E-mail
Thursday, 31 January 2013 17:54

DSC 0023 (Large)

Diahuebs atardi na GTI Aruba Minister Otmar Oduber tabatin e placer di haci entrega di autonan pa unidad K-9 di Cuerpo Policial na su colega Minister Arthur Dowers. Presente pa e ocasion aki banda di e mandatarionan tabata representante di GTI Aruba, Alto Comisario di Polis, unidad di K-9, director di AHATA y miembro di AH&SF). Ta trata aki di 4 auto special pa e unidad canino di Cuerpo Policial cu a wordo financia pa e Fondo pa Mehoracion di Producto Aruba (TPEF). E fondo aki a wordo lanta pa contribui na mehoracion di Producto Aruba pa tanto local como bishitante y naturalmente e parti di seguridad ta forma parti mehoracion di nos producto. Minister Oduber a gradici Garage Centraal pa haci entrega di e 4 volkswagen na unidad di K-9 posibel. Igualmente el a gradici TPEF cu a contribui na haci esaki posibel. Na mes momento el a indica cu Aruba Hotel and Security Foundation (AH&SF) a forma tambe, mescos cu su colega Dowers, kende for di aña pasa a duna su sosten pa cu e proyecto specifico aki. “Mi ta kere cu e presencia awor aki cu e autonan aki, cu lo bira e vehiculo cu lo transporta e K-9 Unit di Cuerpo Policial, pueblo di Aruba, pero tambe sector di turismo ta wordo yuda un poco mas pa loke ta trata un di e aspectonan hopi importante di Aruba, cu ta e seguridad cu tin akinan na Aruba”, Minister Otmar Oduber a duna di conoce. E sosten di TPEF pa cu e aspecto di seguridad no ta caba te akinan, e lo continua relaciona cu otro proyectonan cu cual e mandatario di Husticia ta bezig cu nan na e momentonan aki hunto cu Cuerpo Policial.


album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter