Thursday, 18 September 2014
Habitantenan di Village feliz cu cambio grandi den nan bario Print E-mail
Thursday, 31 January 2013 18:46

01sintmaarten4

Gabinete Mike Eman tin diferente proyecto den ehecucion na San Nicolas, principalmente den cuadro di e plan pa renobacion di barionan por a mira proyectonan den ehecucion na Juwana Morto Complex, cu a keda completamente cla, de Vuyst, Sint Maartenstraat, etc. Sint Maartenstraat ta un di e proyectonan principal unda cu kier trece un cambio pa haci e ambiente mas agradabel pa biba pero pa convivi tambe cu bisiñanan. Di e manera aki ta influencia di forma positivo e sentido di comunitarismo. Anne-Marie ta un di e habitantenan di Village cu a keda masha contento cu e cambionan cu ta den ehecucion. “Nan a drecha of ta drechando delaster un cos aki den. E ta kedando masha bunita,” el a duna di conoce. El a agrega tambe cu un sonrisa riba su cara “awor nos por ta feliz cu e caya nobo aki”. Despues di construccion di e plasa na entrada di centro di San Nicolas, a duna e caya principal pa Village, Sint Maartenstraat, un cambio total mescos cu den otro barionan den renobacion rond di Aruba. A crea aceranan di klinkers unda antes tabata santo, pero tambe espacio pa e habitantenan por staciona nan vehiculo dilanti nan cas. “Sigur famia y amigonan cu yega di bishita for di exterior, lo no reconoce e Sint Maartenstraat cu nan a custumbra cun’e den pasado,” Angela, otro habitante bibando pa mas cu 15 aña den e caya aki a expresa. E ta contento cu e caya bunita nobo cu a wordo construi y e ta sinti un ambiente diferente. “E ta un bida nobo pa nos di San Nicolas, cu caminda hopi moderno.” Ademas di a crea un caminda completamente asfalta for di cuminsamento te final y e aceranan cu parkeerplaats di klinkers, a planta mata riba henter e ruta cu a duna e caya un dimension completamente diferente, pero sigur a embeyece e area. Den cuadro di tur e cambionan aki, e habitante Anne-Marie, no por kere cu ta wordo bisa cu nada ta wordo haci pa San Nicolas. “Claro cu tin hopi cos a wordo haci pa San Nicolas. Ami ta mira e diferencia. Aworaki e area ta mustra hopi luhoso, nos no falta nada. E ambiente ta dushi, e muchanan ta core y nos ta echt disfruta di biba den e caya aki,” el a duna di conoce.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter