Friday, 31 October 2014
Grupo di Incentivo Americano doTERRA contribuyendo cu Aruba su comunidad como parti di nan programa di CSR Print E-mail
Thursday, 31 January 2013 20:33

front

“Corporate Social Responsibility” (CSR) ta un tendencia cu den ultimo temponan a crece den e industria di Meetings, Incentives, Conventions & Exhibitions (MICE) unda companianan International ta mustra nan sosten na e communidadnan cu nan ta bishita durante nan viahenan di reunion of incentivo. Esaki ta algo cu ATA su departamento di Aruba Convention Bureau ( ACB) tambe ta tene na cuenta cu ne y ta duna sostén na e gruponan di incentivo cu ta desea di inclui un acción di CSR den nan programa.

Recien a drenta e waf di Aruba e barco crucero “Adventure of the Seas” di cual 350 pasahero abordo tabata empleado di e compania di Merca doTERRA. Un bez pa aña e compania aki ta hiba su “top sellers” riba vacacion como premiación. E biaha aki nan a wordo premia cu un vacacion ariba un barco crucero, cu a bishita diferente isla nan incluyendo nos dushi isla di Aruba pa un dia. E empleadonan, kendenan tabata riba vakantie hunto cu nan famia, no solamente a bin pa disfruta, pero addicionalmente a escohe Aruba pa tuma mitar di nan dia pa haci un bunita obra na nos communidad. E grupo a wordo parti pa asina wordo transporta den bus di De Palm Tours pa diferente scolnan na Aruba. Entre otro Graf von Zinzendorf Kleuterschool, John Wesley College, Tirakochi Park, Mon Plaisir Kleuterschool, YMCA Dakota y La Salle College. Muchanan di e diferente skolnan a canta y toca pa asina yama bon bini na e turistanan y asina tambe demostra aprecio cu nan tin pa cu e contribucion cu e grupo ta duna na nos comunidad. E grupo a haci diferente trabou comunitario na e diferente scolnan manera entre otro, trabou di limpiesa, ruim op e klasnan, verf banki, chapi, planta mata y diferente otro cos. E boluntarionan di doTERRA no a yega man bashi na e scolnan tampoco, nan a trece regalo pa e muchanan y tambe a haci diferente donacion na e scolnan di cual siguramente lo haci bon uzo di e fondonan aki. Ademas di esaki nan a hunga diferente wega cu e muchanan di scol, duna les di yoga na e muchanan, etc…. Tur e diferente scolnan a keda sumamente contento cu e bishita, e trabou y e donacionnan ricibi for di e grupo aki. Despues di a haci trabounan comunitario e grupo a wordo transporta pa De Palm Island unda nan por a disfruta di e isla priva y pasa un atardi relahante bon mereci cu nan famia. Como muestra di aprecio pa e bondad y bunita gesto di parti di e grupo ATA a regala tur empleado un bunita T-Shirt di Aruba. ATA ta gradici doTERRA, shoretrips, scolnan, YMCA, Rotary Club y De Palm Tours pa por a haci esaki posibel.

gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter