Friday, 25 July 2014
Edwin Jacobs: SVb tambe ta controla average di edad di pensionadonan cu ta na bida Print E-mail
Thursday, 31 January 2013 21:56

Edwin Jacobs flex

 

Den combersacion cu Edwin Jacobs, director di SVb el a splica cu nan ta controla tambe e promedio di edad di e pensionadonan cu ta na bida. E payroll di luna di December ta mustra cu e total di e pensionadonan activo femenino ta 52% y hendenan homber 48%. En general e grupo aki ta relativamente jong, bao 70 aña (69.5 y 64.8) respectivamente.

Si tene den mente e promedio di edad di esnan cu a abandona e sistema di pension door di fayecimento, por saca afo cierto cantidad di añanan cu e poblacion tin derecho riba pension di biehez, y por calcula e fondonan cu ta bay tin mester di nan pa e siguiente añanan. El a bisa tambe cu SVb ta haya indicadornan door di combina diferente cifra y tambe nan ta tene cuenta cu Aruba ta un pais di imigracion. El a splica cu na 1970 a nace 1000 baby cu na 2030 ta cumpli 60 aña pero cu no tur mil lo tey pasobra na caminda algun lo a fayece, aunke e tasa di mortalidad ta menos cu esun di hendenan di edad grandi. Un di e motibonan pa morto na edad mas hoben ta accidente di auto. Tambe mester conta cu na caminda tin hendenan a drenta Aruba den e añanan 70 y otronan cu a sali for di Aruba bay biba otro caminda. Pero si ta e caso cu e gran mayoria di e personanan cu a nace na Aruba na 1970 lo yega nan edad di 60, aunke e obituarionan den corant por duna un otro impresion. Jacobs a splica cu naturalmente esaki ta si e grupo aki ta cuida nan curpa y no ta confronta cu riesgonan cu no den ta nan man. SVb ta usa e cifranan y ta haci calculo for di diferente area, pa tin un bista riba kico ta warda nan pa e fondo di pension di behez. Tambe nan ta bay usa e datonan di e Censo 2010 di CBS cu a keda cla. Esaki lo duna un bista mas cla riba e edad di e personanan pa e proximo 10 añanan cu lo ta un otro mecanismo den e calculacion di cu cuanto e payroll di e pension lo subi.v

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter