Saturday, 25 October 2014
Guarda Costa di Venezuela y Aruba a busca: Buskeda henter diahuebs tabata envano pa Boto "Let The Fly Fly" Print E-mail
Thursday, 31 January 2013 21:56

boto cu a zink

Diahuebs prome cu solo a sali e buskeda a cuminsa pa e boto "Let The Fly Fly" cu registracion A-880. E boto aki a bati alarma na 911 na momento cu e motor lo a paga riba lama. Segun Gio Leer cu a yama a splica cu e ta net pazuid di rif di Refineria Valero. Pa ora cu a saca unidadnan for di Kustwacht ya caba no a topa nada.

Tampoco tabata tin un pocision exacto di e boto. Mas bien el a splica di ta pazuid di e rif di e refineria. Loke su Gio Leer a laga sa via telefon tabata cu e boto tabata pasando awa y despues un otro yamada cu e tabata sink. Henter diaranzon a busca pero nada. Henter diahuebs a busca y aki tampoco a topa cu cualkier señal di e boto of Gio Leer mes. Diahuebs e buskeda a cuminsa for di algo pasa di 6or di mainta cu avion di kustwacht. E area mas pabao nan a cuminsa cu nan buskeda bin direccion pariba. Despues Panter cu su Cutter tabata busca den e area parti pazuid bai direccion pabao. Tampoco a topa cu algo riba lama. For di kustwacht su base a sali e Superrhib cu a busca na e bocanan pa chek si por mira seña di e boto. Aki tampoco a topa algo. Tambe tabata tin algun boto local cu a sali sea pa pisca of otro y tur a bisa cu nan lo tira bista riba e boto perdi. For di Venezuela a sali dos patruyero. Tambe un avion di guarda costa Venezolano a sali busca den e espacio Venezolano mescos e gaurda costa Venezolano cu a busca den e awanan teritorial di Venezuela. Finalmente ningun embarcacion a topa cu algo. Diabierna ta intencion di bolbe subi lama pa sigui cu e buskeda. Embarcacionnan di guarda costa di Venezuela y Colombia tambe a laga sa di lo yuda den e buskeda di diabierna. E speranza di e famia y amigonan ta pa topa cu Gio Leer ainda.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter